Dye hystorien ende fabulen van Esopus

[15] § (23) Die derde fabule is vanden dief. ende vanden hont die leert | Alsmen gheuende is eenich dinck. soe salmen ouerlegghen ende | peynsen tot wat eynde datment ghegheuen heeft Vanden welc | ken Ezopus eene aldusdanighe fabule vertelt.

[fol. A2v]

HEt was een dief die des nachts quam totten huyse van eenen goeden man | om te stelen. Ende die hont al daer inden huyse wesende bassede hem aen | ende makede gheluyt Ende die dief dit horende so warp hi den hont een stuck | broots toe om dat hij zwijghen soude Mer die hont seyde tot hem Ghi en wer | [5] pet mij dit broot niet toe doer eenich goet ofte minne. mer om dat ic stille soude | zwijghen ende ghij dan minen meester beroeuen soudet Ende daer om en eest | niet goet dat ic ouermits een stuck broots mijn leuen verliese Hier om soe seg- | ghe ic dy. ten si dat zake dat ghi v pijnt te comen van hier. ick sal minen meester | wecken ende alle sijn huysghesinne Ende mettien soe begonste die hont te bas- | [10] sen ende die dief liep sijnre veerden Want ouermits ghiften ende gauen die me | nighe bedroghen sijn ende haer hoofden verloren hebben. waer om dattet is | zeer goet te ouerlegghen dat eynde. waer om datmen yet gheuende is Tot dien | eynde dat nyemant ouermits gauen verraden en werde oft dat oeck nyemant | ouermits ghiften ende gauen eenighe verradenisse doe sinen heer ende meester |