Dye hystorien ende fabulen van Esopus

[fol. A2r]

§ (22) Die ander fabule is vanden duuen. vanden grijpvoghel. ende van | den sperwaer Niemant en sal hem seluen setten onder die be- | waernisse ofte sauegaerde vanden boosen. want du sultste weten | dat als hy bystant ende hulpe begheert soe en vint hijse niet Waer | [5] af dat Ezopus vertelt eene aldusdanighe fabule

IN voerleden tyden als die duuen den Sparwer voer eenen Coninck be | gheerende waren.op¹⁷⁶ dat hij hem vanden grijpvoghel bewaren mochte. | Ende als die Sparwaer haer Coninck gheworden was. begonste hijse te verslijn | den ende te eten Dit siende die duuen seyden. datter hem veel beter was den grijp | [10] voghel te lijden ende ghetroost te wesen dan hem seluen aldus ouer ghegheuen. | ende ghestelt hebbende onder den Sparwaer ende aldus van hem ghemartel- | zeert te werden. maer wij sijnt wel weert want wij selue daer af een sake sijn Ende | daer om alsmen beginnen sal eenich dinck. soe salmen wijseliken ouersien dat | eynde want hi vroet is ende wijs. die dat eynde rijpelijcken ouerlegghende is |

176 waren.op lees: waren. op.