Dye hystorien ende fabulen van Esopus

§ (19) Die neghentyende fabule is vander wouwe oft grijp | voghel die sieck was. ende hoe hij sijnder moeder badt | dat sij die goden voir hem bidden wilde Die welc ons | leert ende bewijst. Dat die ghene die altijt quaet doet | [15] die wijle dat hij vroom. starck ende ghesont is. die en | derf gheen hope hebben dat sijn ghebet verhoort sal | werden als hij in eenegherande siecten gheuallen is. | Waer af dat Esopus vertelt eene aldusdaneghe fa- | bule |

[fol. f5v]

HEt was een grijp voghel die alsoe seere sieck was dat hij niet en hoepte lan | gher te leuen Ende als hij sach dat hij aldus qualijcken was te pas zo badt | hij sijnder moeder datse die goden voir hem bidden wilde Ende die moeder ant | woirde hem. Mijn lieue sone ghij hebt tanderen tijden so grootelijcken die go- | [5] den gheblasfemeert ende toornich ghemaect datse nv op dese tijt hem op v wre | ken willen want ghij en bidt die goden niet ouermits liefte ende goedertyeren- | heyt maer ouermits ontsich ende pyne. om dat ghij nv soudt dleuen behouden | ende die doot ontgaen. Want die ghene die daer een quaet leuen beleydende is | Ende oick in dat selue leuen alzoe verhardt is. die selue en sal gheen hope heb- | [10] ben oft troost dat hij van sijne quaetheyt ofte booshet¹⁷³ ghevryet ende verlost wer | den sal. want dan te spade is Want als men in die vterste cranckheyt oft sieck- | heyt is ligghende. zoe is dan die tijt ghecomen datmen loon ontfanghen ende | betaelt sal werden nae die wercken die men als dan ghedaen sal hebben Want | het is alzoe dat die ghene die in voirspoet wesende den anderen mysdoet ende | [15] toornich maeckt gheen vrienden en vint als hij is in wederspoet ende het hem | qualijcken gaet |

173 booshet lees: boosheyt.