Dye hystorien ende fabulen van Esopus

§ (20) Die .xx. fabule is vander vincken ende vanden anderen voghelen ende | vanden lijnsade. die ons leert dat die ghene die gheenen goeden raet | gheloouen en willen die sijn seer qualijcken beraden Waer af dat eso- | [20] pus vertelt eene aldusdaneghe fabule |

[fol. f6r]

HEt was een bouman die vlas saeyede. Ende die vincke dit siende ouer- | legghende ende peynsende dat men van dit vlas alst ghewassen soude | wesen. maken mochte stricken ende netten. zo sprack sij totten anderen voghe- | len aldus Coemt allegader mit mij ende laet ons wt cratssen dit lijnsaet. want eest | [5] sake dat wijt laten wassen. zoe sal die bouman daer af maken stricken ende brey | den netten Ende sullen allegader daer mede gheuanghen werden. Ende dye | andere voghelen dit hoorende myspresen ende versmaeden des vincken raet. | Ende die vincke siende dat die ander voghelen haren goeden raet versmaeden | zoe ghinck sij ligghen ter herberghen ende logyeren inden huyse van eenen bou | [10] man Ende als ghebuerde dattet vlas ghewassen was Soe dede die vincke den | bouman maken stricken ende netten. metten welcken hij alle daghe die voghe- | len vanghende was ende brachtse tsijnen huyse. Ende die vincke seyde aldus. | Ick haddet v wel te voren gheseyt. § Ende daeromme men en sal gheenen | goeden raet mysprijsen noch oick versmaden Want die qualijcken is beraeden | [15] ende auyseert. lijdt dicwille pijne die hem deert |