Dye hystorien ende fabulen van Esopus

§ (4) Die vierde fabule is vanden | [10] honde ende vanden scape die ons leert dat die menschen die boes sijn ende scadelijc vinden | altijt een sake waer bij datse die goede menschen bescadigen moghen Vanden welcken | esopus vertelt eene aldusdaneghe fabule |

[fol. e4r]

IN dien tijden wasser een hont die een stuc broots van een scaep was eysschende dat hi | hem gheleent hadde Ende dat scaep antwoirde. dat hi tot ghenen daghen eenich broot | van hem en hadde ghehadt Dit horende die hont dede hem verdachuaerden voir den richter. | Ende tscaep die scult myssakende zo brocht die hont valsche getuigen. als den wolf den | [5] gryp vogel ende den sperwaerEnde¹⁶⁸ alst daer toe quam datmen die getuygen hooren soude | sprac die wolf totten richter. Mijn heer ic weet wel dat die hont hem gheleent heeft een | broot Ende die grijp vogel seyde oic terstont. Hij heeftet ontfangen in mijn tegenwoir | dicheyt Doe seyde die sperwaer totten scape Waerom myssaect ghij tghene dat ghij | ontleent hebt Ende aldus wert dat scamel scaep verwonnen Want die richter geboot terstont | [10] den scape dattet den hont betalen soude Ende om dit te doen so moest hi vercopen sinen vacht | voir den winter Ende alsoe wert dat arm scaep ontcleet ende wt sinen velle ghescut Dies- | ghelijckx doen oic dese ghierighe menschen ende verslijnders die oic ouermits haer boes- | heyt ende bedroch niet anders en doen dan sij tscamel volc verslijnden eten ende te nyeute brengen |

168 sperwaerEnde lees: sperwaer Ende.