Dye hystorien ende fabulen van Esopus

§ Hier beghint dat prologus oft prefacye van dyerste boec van Esopus |

ROmulus eenighe sone van Tyberys vander Stadt van Anthyocyen Saluyt ende | groetenisse Esopus een man gheboren sijnde wt Gryecken subtijl ende verstandel | [20] bewijst ons ende leert in sijne fabulen wat die luyden doen oft laten sullen Ende op dat | hij leeren soude ende bewijsen dat leuen ende die costuymen vanden menschen. Soe visiert | hij ende brengt daer inne die voghelen ende die beesten sprekende op dat die menschen | bekennen mochten waeromme dat dese fabulen gheuonden sijn gheweest. In den welcken |

[fol. e2v]

hij ghescreuen heeft die scalcheyt ende boosheyt der quader menschen ende die menich | fuldicheyt der onwijser Hij gheeft den leeken ende ongheleerden te verstaen oot- | moedicheyt om te ghebruyken soete woirden ende ander menegherande exem | plen hier nae bat verclaert ende ghestelt wesende Die ick romulus wt den gryecken [5] in latijne ouergheset hebbe die welcke eest sake dat ghijse leset dijn verstant ver | lichten ende scarpen sullen Ende sullen v gheuen een sake van bijscappen¹⁶⁷ |

167 bijscappen lees: blijscappen.