§ (1) Die eerste fabule is vanden haen ende vanden | costelijcken ghesteynte. |
HEt ghebeurde dat een haen op eenen myshoop sijn aes ende voetsel soekende | [10] was ende daer vant hij eenen seer schoone ende costelijcken steen Den welcken | als hij gheuonden hadde toe sprack aldus. Ha ouerschoone costelijcke steen du | biste hier inder missyen waert bij alsoe dat hij u hadde gheuonden die dy beghe- | rende is hij soude verblydelijken ghepresen hebben ende wederomme ghebracht in dy | nen eersten staet Mer te vergheefs hebbe ick dy gheuonden. want ick dij niet te be | [15] sighen noch te doen en hebbe. Ende oic mede so en mach ic dy gheen goet eer noch | chierheyt doen noch ghij mij Ende dese fabule van esopus spreect op die ghene die | dese fabulen lesen sullen want biden haene is beteykent die dwase ende domme mensche die om te ghecrijgen wijsheyt oft conste niet vraghende en is ghelijc als die haen niet | en vraechde nae den steen die nochtans costelijcken was Ende bijden costelijcken steen | [20] is beteykent dit teghenwoirdeghe boec dat scoone ende ghenoechlijcken is |
Auteursrechtelijk beschermd