Dye hystorien ende fabulen van Esopus

§ Die .xxviij. hystorie vertelt hoedat die vander stadt van Samyen | [5] deden sacrificye haren afgod Ende tymmerden eenen tempel om- | me den voirghenoemden god te versoenen vander doot van esopus |

ENde daer nae als esopus aldus iammerlijcken ghedoot was zoe ghebuerdet | dat in die stadt ende eylant van delphos een alte grooten pestilencye. dyertijt | ende sterfte regnerende was Ende alsoe groote verwoetheyt dat sij alle gader haer | [10] vijf sinnen verloren. Ende om dyer saken wille so deden sij al te samen haren afgod | Appollijn sacrificye omme hem te versoenen vander doot van esopus Ende want sij | seer onrechtvaerdelijcken den goeden esopus hadden ghedoot ende doen steruen. | zoe waren sij daeromme seer bedroeuet tonvreden ende bedruct ende stichteden eenen tem | pel Ende daer nae als die princen ende die heeren van greycken hoorden ende willen dese nye | [15] mare hoe ende in wat manyeren die van delphos den goeden esopus ghedoot hadden | quamen terstont met grooter macht tot delphos voirghenoemt omme te doen pu | nicye ende te pynighen die ghene die esopus dus ougherechtelijcken¹⁶⁵ ende iammerlijc- | ken van lyue ter doot ghebracht hadden. |

165 ougherechtelijcken lees: ongherechtelijcken.