§ Die xxiij. hystorie die welcke vertelt ende maect mencye hoe ende in wat | manyeren esopus soen adoptijf Enus hem seluen doode ende dleuen benam |
ENde nae vele ende menegherande goede vermaninghen so schiede enus van eso | pus. Ende ouerpeynsde dat hij ongherectelijcken den goeden esopus besculdicht | hadde was hij seer droeuich tonvreden ende bedruct Ende ghinc op die hoocheyt van | [10] eenre montaengyen ende werp hem seluen van bouen neder in die aerde. Ende in alsulcker | manyeren wanhopede hij als die ghene die in deser werelt een quaet leuen geuoert | ende gheleyt heeft. want van quaet leuen quaet eynde coemt. Ende daer na beual esopus | den valckenaren van den coninc datse vier iongen van eenen aern vangen souden Ende als sij | se gheuanghen hadden Soe wendese esopus om teten te gheuen hooghe ende leeghe. ende | [15] een yeghelijck vanden iongen bant hij aen die voeten twee ionge knechtkens Ende also | die ionghen haer dat sittende in een dinc van leder ghemaect aes neder buerden oft op | buerden alsoe vloghen op ende neder die ionghe aernen om haer aes te nemen Ende dese | dingen aldus ghemaect wesende doe die winter ouer was so nam esopus oirloef aen | den coninc van babilonyen nochtans die coninc niet meynende dat esopus zo subtijl ende ver | [20] standel gheweest soude hebben want hij en ouerleyde niet dat somwijlen een leelijck vat | vol is van goeden ende costelijcken wijn. want men niet alleen dat vat aensien en sal maer die | heffe die daer inne is Dit ghedaen sijnde viel esopus den coninc van egypten te voeten. | hem groetende ootmoedelijcken. Ende die coninc sittende in sijnre maiesteyt ontfinc hem | goedertyerenlijcken hem segghende in deser manyeren Wat dunckt v te wesen van my. | [25] ende vanden mijnen Ende esopus seyde hem Harde gheduchtege ende seer lieue heer ghij |
Auteursrechtelijk beschermd