Dye hystorien ende fabulen van Esopus

(2013)–Gheraert Leeu– rechtenstatus


§ Die xxij. hystorie vertelt hoe dat die coninc beual datmen esopus dooden soude twelc \| die amptman vanden seluen coninc verhoede met sijnder wijsheyt Ende hoe die coninc daer \| [20] nae weder gheboot datmen esopus wederomme in sijn yerste weerdicheyt stellen soude \| Ende hoe dat esopus sijnen soen adoptijf die mysdaet vergaf die hij hem mysdaen hadde \| § IeGa naar voetnoot154 coninc lycurius lichtelijken gheloue gheuende in die besculdinghe teghens \| esopus wert vtermaten seer toornich Ende beual sijnen amptman gheheyten heropus \|
[Folio d2v]
dat men esopus terstont soude doen steruen. mer heropus die amptman merckende dat \| dese sentencye ende vonnisse ongherechtelijck was so bewaerde hij den seluen esopus al \| heymelijcken in een speluncke. Ende alle die goeden van esopus werden gheconfisqueert \| ende tot des conincx tafel gheleyt ende ghegeuen sijnen soen Enus die hem aldus bescul- \| [5] dicht hadde Daer na langhe tijt soe ghebuerdet dat Neptanabus coninc van egyp \| ten meynde dat esopus langhe tijt doot hadde gheweest alzoe die ghemeyne fa- \| me daer af gaende was seynde eene proposicye ende vraghe probleumatique tot ly \| curius den coninck van babylonien die houdende was aldus Neptanabus coninck \| van egypten lycurio den coninck van babilonyen saluyt Want ick in den sinne heb- \| [10] be te stichten ende te tymmeren eenen toorn die noch inder aerden noch inden hemel reyc \| ken en sal. zoe bidde ic v dat ghij mij seynden wilt metselaers daer ick den voirghe- \| noemden toorn mede metselen ende maken mach. ende tot dese bede wilt mij gheuen ant \| woirde Ende ick sal v gheuen in trybuyte van alle mijnen conincrike ende lande den tyenden \| penninc. ende als die coninc van babilonyen desen eysch hoorende was wert hij seer droe \| [15] uich ende beroert ouerpeynsende hoe ende in wat manyeren hij den coninc op deser vra \| ghen ghenoech mochte doen Ende terstont dede hij vergaederen ende te samen roepen al- \| le die wijse omme te hebben die solucye vander vraghe voirgenoemt Ende want daer nye \| mant en was die de selue vraghe beduyden ende solueren conde so was hij noch vele \| droeuegher ende tonvreden ende viel van ommachten ter aerden sprekende aldus. Helas \| [20] ic die wel arm ende onsalich ben want ic die crone van alle mijnen rijcke verloren hebbe \| Vermaledijt moet hij wesen doer wien ick den goeden esopus hebbe doen dooden ende \| doen steruen Ende als heropus die amptman sach dat die coninc sijn heer dus toornich \| ende droeuich was so vertrooste hij hem ende seydeMijnGa naar voetnoot155 seer gheminde heer wilt niet meer \| tonvreden noch droeuich wesen ende willet my vergheuen. want ic esopus niet en hebbe doen \| [25] steruen aenghesien dat ic wel wiste dat ghij hem noch soudt hebben te doen ende sijns \| raedts behoeuen Ende want ick uwe moghentheyt omme te vertoornen verduchtende was \| soe hebbe icken tot desen daghe toe al heymelijcken in eene speluncke gheset ende be \| waert Ende als die coninc hoorde dese woirden was hij wonderlijcken blijde ende hem sel \| uen vander aerden opbuerende omhelsde suetelijcken sijnen amptman ende seyde Eest sa \|[30] ke dattet is warachtich dat esopus noch leuet. zoe sal ic alle mijn leuen lanc tot v ver- \| bonden sijn Ende daeromme so bidde ic v eest dat hij noch leuet dat ghij hem voir my doet \| comen Ende terstont wert esopus gebracht voir den coninc den welcken hij te voete viel. ende \| als die coninc sach dat esopus bleec magher ende ongheuallich was so wert hij seer \| droeuich ende toornich ghebiende terstont datmenne vander aerden op nemen ende eerlijcken \| [35] cleeden soude Ende als hij op ghenomen was so quam hij voir den coninc ootmoedelijc \| hem groetende begherende te weten die sake waerom hij in die vangenisse ghesteken had \| de gheweest Ende die coninc seyde hem dat sijn sone adoptijf enus hem besculdicht had- \| de Ende doe gheboet die coninc datmen den seluen enus met alsulcker pijnen soude pij- \| negen als men ghewoenlijcken is te doen den ghenen die haer ouders doen steruen Ende esopus \| [40] bat den coninc dat hijt hem vergeuen wilde Dit aldus ghedaen wesende vraechde die coninc \| den goeden esopus die vrage die de coninc van egypten hem ouer gheseynt ende wt gegeuen \|
[Folio d3r]
hadde Ende als esopus ghesien hadde die brieuen sprac hij totten coninc aldus Mijn lieue \| heer coninc scryuet wederom den coninc van egypten dese sentencye gheuende hem antwoirde \| Dat als die winter gheleden is so sult ghij hem seynden wercluyden om te tymmeren ende \| te volmaken sijnen voirghenoemden toorn Ende van allen dingen hem als dan te berichten. Ende \| [5] also seynde die coninc sijn ambassatuers totten coninc van egypten. daer na dede die \| coninc esopus weder gheuen alle sijn goeden stellende hem in sijnen eersten staet ende weerdich \| eyt Ende gaf hem macht ende autoriteyt te punyeren sijnen sone tot sijns selfs beliefte \| Mer esopus ontfinc sijnen soen goedertyerlijc in gracyen hem soetelijcken versprekende ende \| seyde Mijn lieue sone wilt houden mijn gheboden ende wiltse vaste in dijn herte be- \| [10] sluten. want wij gheuen wel ander menschen raet mer ouer ons seluen en connen wijse dic \| wijl niet gheuen Ende daerom aenghesien dat ghij een menschelijcke creatuere sijt zo eest \| dat ghij der fortunen ende der auontueren onderdanich gheworden sijt Ende daeromme salstu \| eerst ende al voren minnen gode ende houden sijn gheboden Ende sult v wachten dynen coninc \| te verstoren ende toornich te maken Ende want ghij sijt een mensche so suldij sorghe draghen \| [15] voir tghene datter menschelijcker natueren behoeflijcken is Want god onse heer py \| nicht ende castijt die quade Ende het is een herde snoode dinc te wesen moeylijcken \| eenegen mensche Bewijst dij manlijcken tegens dijnen vyanden op dat sij\|vGa naar voetnoot156 niet en verdoemen \| Ende tot dijnen vrienden suldij wesen ghenoechlijc vrolijc ende frysch om te bat hare gons \| te ende hulde te verweruen want du sulste wesen begherende voirspoet dijnre vrienden ende \| [20] dijnen vyanden wederspoet Ende spreect dijnen wyue minlijcken toe op dat sij eenen anderen \| niet beminnende en sij want aenghesien dat dat wijf menegherande ghedachten heeft ende \| seer wandelbaer is zo eest dat alsmen haer vele flatteert so is sij te meer gheneycht \| tot quaet. Wacht dij wel te versellen met eenen wreeden mensch. want hoe wel hij ghe- \| luckych is. nochtans is hij ongheuallich Sluyte dijn ooren ende bedwinghe dijn ton \| [25] ghe Wachte dij wel van vele te spreken ende en hebt gheen nydicheyt van eens anders \| weluaren want nydicheyt meest scaedt den ghenen die nydich is. draecht sorghe voir \| dijn huysghesyn op dat sij v als een heer beminnende mogen sijn. scaeme dij te doen \| eeneghe dinghen die niet redelijcken en sijn Ende en vergeet niet alle daghe wat goets \| te doene ende te leeren Ende wacht dij wel dijnen heymelijcheyt te seggen dijnen wyue \| [30] want sij altijt onvrede ende twist begherende isEndeGa naar voetnoot157 en verteert niet dijn goet onnuttelijc \| ken. want het is veel beter ter lester doot eeneghe goeden achter te laten dan int le \| uen te bidden broot Groetet vriendelijcken den ghenen die dij ghemoeten. want een hont \| doet den ghenen vrientscap met sijnen sterte die hem ghemoete comen Ende en beghec \| ke nyemande mer gheue dij tot wijsheyt Ende tghene dat ghij af leent van yemande dat \| [35] gheuet wederom goedertyerenlijc op datmen dij op een ander tijt te bet leenen mach. ende \| den ghenen die ghij baten ende voirderen moecht. en wilt niet versmaden hulp te doen Ende \| wachte dij van tgheselscap der bosen Dijn vrienden suldij alleen te kennen gheuen uwe \| saken Ende wachte dij te doen eenighe dingen daer ghij naemaels berouwe af hebben \| moecht Ende als dij wederspoet is ghebuerende lijdet verduldichlijcken. ende en wilt dy \| [40] seluen niet ghelijcken den ghewoenten ende seden der booser. Herberghe die ghene die niet \|
[Folio d3v]
gheherbercht en sijn. op dat als ghij niet gheherbercht en sijt men v dan herberghen \| mach Goet ende bequaem werden sijn medecynen teghens die onduechden. Ende inder \| waerheyt hi is wel gheluckich die eenen goeden vrient verweruen mach. want gheen \| dinc soe heymelijck en is ten wert eens condt ende gheopenbaert. \| [5]	voetnoot154 Ie lees: DIe. voetnoot155 seydeMijn lees: seyde Mijn. voetnoot156 Er staat een verticale streep tussen sij en v. voetnoot157 isEnde lees: is Ende.

Vorige Volgende