Dye hystorien ende fabulen van Esopus

§ Die neghentyende hystorie vertelt hoe dat esopus ghestelt | wert in sijne eyghende vryheit ende wille |

ENde daeromme so baden die vrienden van xanctus dat hij esopus op sijn | [15] vrye voeten ende in vryheyt stellen wilde ende den heeren vanden gherich | te des ghemeynen goets te wille wesen Ende xanctus seyde hem hoe wel dat- | tet niet en is van mijnen goeden wilde¹⁴⁹ nochtans zoe gheue ick dij esopus dyne | vryheyt Ende doe dit ghedaen was ghinc die roeper vander stede roepende ende seg- | ghende Xanctus die phylosophe heeft ghegheuen ende ghestelt esopus in vryheyt. Ende | [20] also wert veruult tghene dat esopus gheseyt hadde. Weder ghij wilt oft niet en | wilt sal ick in vryheyt wesen Ende doe ghinck esopus int mydden vanden gheselscap |

149 wilde lees: wille.

[fol. c6r]

ende dede een teyken metter hant dat sij swijghen souden. Ende sprack tot hem. | Mijn heeren ende lieue vrienden der stadt van samyen. die aern die daer is een | coninck onder die voghelen ghelijckerwijs als die coninghen sijn onder die men | schen heeft ghenomen den gulden rinck vanden drossaert vander stede Dwelc | [5] beteykent datter is een coninck die van uwer stede ende luyden uwe vrijheyt ende | preuilegyen eysschende wesen sal Ende uwe hantuesten ende wetten te nyeute bren | ghen. Ende als die van samyen hoorden dese woirden waren sij seer veruaert. | ende bedruckt vtermaten Terstont daer nae so quam daer een heraut met hem | brenghende Conincklijcke brieuen begheerende te spreken den raet ende senae- | [10] toers der stadt van samyen. den welcken men leyde voir dye vroetscap vander | stede dien hij sijn brieuen presenteerde houdende aldus. § Cresus coninck | van Indien¹⁵⁰ aen den raet senatoers ende ghemeynen volcke der stadt van Sa- | myen Saluyt ende groetenisse Ick ontbiede ende ghebiede v dat ghij doet on | derdanicheyt ende dat ghij my betaelt mijn gabellen ende tributen Welcke din | [15] ghen In dien dat ghijse weyghert ende versmaet zoe sal ick v dan stellen tot vyer | tot bloet ende tot vlammen Welcke brieuen dat volck vander van samyen | aldus ghesien ende ghelesen hebben. waren sij seer tonvreden ende verwondert. | ende ouermits ontsich ende vreese zoe waren sij gheneycht omme hem onder- | danich te wesen Niet te min sij wilden yerst ende al te voeren hooren ende weten | [20] dien raet van Esopus Den welcken sij baden dat hij sijn sentencye ende goetdunc | ken daer af segghen wilde Dit hoorende Esopus ghinck sitten int hoochste van | den rechterstoele. Ende sprack tot hemluyden aldus. Mijn heeren ende lieue | vrienden hoe wel ick verneme dat ghijluyden gheneycht sijt omme den coninck | van Indyen¹⁵¹ ghehoorsamich te wesen Niet te min op dat ick v mach raden dat | [25] ghene dat tot nutscap ende profijte des ghemeynen oirbaers bequaem en pro- | fijtelijcken is Soe laet ick v weten dat die fortune oft auentuere in dit sterflijcke | leuen twee weghen ons bewijsende is Die eene dat is gaue der vryheyt daer dat | beghinselle zeere hardt. zwaer ende scarp af is. Mer dat eynde daer af sijn. soet | licht ende goet Dye ander wech is eyghenscap vander welcker dattet beghin- | [30] sel is licht ende slecht. mer dat eynde scarp. hart ende vol bitterheyts Ende als | die van samyen dese woirden hoorden. ouerlegghende ende bekennende tghe- | ne dat totten ghemeynen onbaer best nuts ende profijtelijcks was bedochten sij | hem ende namen auijs in die sentencye ende goetduncken van esopus Ende spraken tot | malcanderen. Want wij van ouden tijden in vryheyt hebben gheweest ende die | [35] selue ghebruyckt so en willen wij nyemande dienen oft eyghen sijn Ende met al- | sulcker antwoerde hebben sij dien bode wederomme gheseyndt totten Coninc | Cresus voirghenoemt. Ende als die Coninck Cresus hoorde dese antwoirde | zoe was hij zeere ghestoort ende toornich ende vergaederde alle sijn volck van | wapenen met alle die Edellinghen van zijnen Coninckrijcke Te samen brengen | [40] de een zeere groote wapeninghen. omme te nyeute te brenghen ende te verder- | uen die stadt ende dat volck van Samyen voirscreuen. dwelc hij terstont ghedaen |

150 Indien lees: Lydië.

151 Indyen lees: Lydië.

[fol. c6v]

soude hebben. hadde hij van sijnen heraut ende bode daer af niet belet gheweest. | Die welcke hem seide Herde gheduchteghe ende seer lieue heere coninck. ghij | en sult v niet moghen wreken op dat volck van samyen ten waer dat sij verloren | hadden ende quijt waren Esopus. die in allen haren dinghen ende saken hemluyden ra- | [5] dende is waeromme dattet van noode is dat ghij sendet een ambassade tot dat | volck van samyen dat sij v senden esopus. ende dat ghij hemluyden haer mysdaet ver- | gheuen sult. want eest dat ghij esopus ghecryghen moecht. die van samyen sijn | dan in uwen handen Dit hoorende die coninck sende terstont sijn ambassaide ende | boden tot die van samyen Die welcke boden ende ambassaituers scarpten haer ver- | [10] stant omme den volcke van samyen te onderwysen dat sij Esopus den Coninck | van indien¹⁵² Cresus seynden souden Ende want esopus dit vername zoe seyde hij | tot die van samyen aldus Mijn heeren ende lieue vrienden my belieft wel te rei | sen totten coninck. Mer eer ick daerwert gae ende van v scheyde soe wille ick v | segghen een bijspel ende fabule. | [15]

152 indien lees: Lydië.