Dye hystorien ende fabulen van Esopus

§ Die twintichste hystorie hoe dat die woluen totten scapen | haer ambassatuers ende boden seynden |

IN dien tijden als die beesten haer heerscappe hadden. Soe waest dat die | woluen teghens die scapen oerloechden Ende want die scapen hem teghens | die woluen noch wachten noch beschermen en mochten. zoe begheerden sij hulpe | [20] aen die honden. die welcke bassende voer die scapen deden dat die woluen wech | liepen. Ende want die woluen gheenen roef noch victorie hebben en mochten te- | ghens die scapen ouermits die honden diese behoedende waren senden haer am | bassaitueren ende boden totten scapen omme eenen eewighen vrede te hebben tot |

[fol. d1r]

malcanderen Ende oick mede om te houden vrede ende te scuwen alle quade suspicye | ende vermoeden. dat die honden den woluen ghegheuen ende gheleuert souden mo- | ghen worden oft ten minsten dat mense soude moghen vernyelen ende te nyeute | doen tot wat plaetsen datmense vinden mochte Ende die scapen dit hoorende omme | [5] te hebben vrede also sij meynden gauen terstont consent als die dwase tot aldus | danighen haren eysch ende begheerte Dit aldus ghedaen ende gheconsenteert we | sen. ende doe die honden al te samen doot ende te nyeute ghebracht waren Soe hadden | die woluen haer wrake vanden scapen alst daghelijckx blijckende is. Ende als | esopus hem luyden hadde gheseyt dese fabule Soe sloten ende determineerden | [10] die van Samyen dat Esopus totten coninck niet reysen en soude |