Dye hystorien ende fabulen van Esopus

§ Die tiende hystorie vertelt hoe dat esopus sijn vrouwe ten huyse van sijnen mees- | ter dede wederomme keeren sonder bidden ende sonder bode te seynden |

[fol. b4v]

ENde want xanctus van twechgaen sijnder huysvrouwen seer ghestoort ende droe- | uich was zoe sprack esopus tot sijnen meester ende seyde aldus. Meester | en bedroeuet v niet want sonder bidden oft smeken soe willicse ter stont wederom | me bij v laten commen Ende esopus ghinck ter merckt ende cochte capoenen ionghe | [5] hoenderkijns ende voghelen Ende als hijse ghecocht hadde ende draghende was voer | by den huyse daer sijn vrouwe inne was So ghebuerdet dat een vanden diena- | ren vanden huyse daer sijn vrouwe inne lach wt sach Tot welcken dienare Esopus | sprack ende vraechde. Hebdij niet binnen uwen huyse te coope dat dienen mach tot | ter bruloft Tot wat bruyloft seyde die dienare Esopus seyde Vander bruloft van xanc | [10] tus. want morghen sal xanctus trouwen een ander wijf. Ende die dienare is ter stont | inwaert inden huyse ghegaen ende seyde Mijn lieue vrouwe hier is wel wat nieus | Wat seyde die vrouwe Xanctus v man heeft ghetrouwet een ander wijf ende sal- | se morghen beslapen Ende terstont sij dat hoorende scheyde sij van daer. ende quam | gheloopen int huys van xanctus roepende ende crytende. Nu bekenne ick wel dye | [15] waerheyt waeromme dat ghij mij van desen grouen boeue hebt laten beghecken. | omme dat ghij alzoe een ander wijf nemen mochtet Mer ick saelt v wel benemen | want alzoe langhe als ick leue zoe en sal gheen ander wijf in dit huys commen | dat mach xanctus wel seker wesen Dit siende xanctus was zeer verblijt van dat | hij sijn huysvrouwe wederomme ghecreghen hadde ende wistet esopus groten danck. |