Dye hystorien ende fabulen van Esopus
(2013)–Gheraert Leeu–
Auteursrechtelijk beschermd§ Die neghende hystorie die welcke vertelt hoe dat esopus een present brachte | [15].sijnder vrouwen. | ENde daer na als die studenten met xanctus waren inder audiencyen Een | vanden studenten bereyde costelijke spyse totten auontmael. ende als sij | haer auontmael etende waren zo nam xanctus vander spysen in een platteele ende | seyde tot esopus. esope brengt dit der gheenre die mij meest beminnende is Ende | [20] esopus seyde in hem seluen Nu eest tijt dat ick mij seluen wreke ouer mijnder vrou | we. Ende alzo hij quam inder salen so presenteerde hij die platteele sijnder vrouwen ende | seyde Mijn lieue vrouwe siet wel toe dat ghij van deser spysen niet en etet Ende sie | vrouwe seide hem Ic weet wel dat ghij altoos een groot dwaes wesen sult Ende eso | | |
[Folio b3v]
| |
pus antwoirde. xanctus en heeft mij niet beuolen dat icse v gheuen soude Mer der gheen | re die hem meest beminnende is Ende met dien zo presenteerde esopus die platteele met | ter spysen een cleyn hondekijn dat alle weghe inden huyse was hem seggende. Mijn | heerschap seyndet v dese spyse Dit aenghesien xanctus wijf is ghegaen in die camer | [5] zeer bitterlijc screyende Ende daer na so keerde wederomme esopus tot sijnen meester xanc | tus die welcke hem vraghede hoe ysser aen die my meest bemint. Ende esopus sey- | de zeer wel mijn heer. ende alle die spyse die ic voir haer gheset hebbe heeft sij al te | samen ghegheten Ende xanctus seyde hem Wat seide sij. Voerwaer heere sprack eso | pus. sij en seyde niet mer sij begheerde v seer te sien Daer na gheuielt doe sij wel | [10] ghegheten ende ghedroncken hadden dat sij onder malcanderen veel questien ende vragen | hadden Onder welcke die een vraechde Wanneer dat die sterflijke menschen alder | meest te doen sullen hebben oft alder onledichste sijn Ende esopus seyde In dien daghe | des ordeels als die menschen verrisen sullen zo sal elck mensche te doen hebben | in sijns selfs verrisenisse Ende die studenten hoorende aldusdanighe antwoerde begons- | [15] ten zeer te lachen ende seyden Dese grouaert is vol van allen antwoirden Ende een van | den studenten vraghede esopus Meester waeromme eest dat alsmen leydet een scaep | omme te dooden. tscaep sijnen meester stil zwighende na volghet Ende alsmen leydet een | vercken omme te dooden dat vercken dan niet anders en doet dan roepen ende cryten. Ende | esopus antwoirde hem Ouermits dat dat scaep ghewoenlijck is datment plucket | [20] ende scheert meynende datment plucken ende scheren wil soe vreset niet ende laetet hem alzoe | dooden. Mer tvercken dat niet ghewoenlijcken en is ghepluckt oft gheschoren. ghe | melct oft ghetoghen te werden. mer omme sijn bloet ende sijn leuen te benemen so eest | daeromme dattet vreest ende beanxt is. alsmen die handen op hem legghende is Ende alle die | studenten dit hoorden seiden Voirwaer siet hier een wijs man want hy wel gheseit heeft. | [25] ende met dien stont een yeghelick op vander tafele ende sijn thuys ghegaen. Als dan xanc | tus thuys ghecomen was ende in sijn camer ghinc zo vant hij sijn huysvrouwe seer | screyende ende seide tot haerMijnGa naar voetnoot125 alder liefste vrouwe hoe yst met v ende beganse te cus | sen Mer sij begonst den rugghe te wenden ende seide laet mij staen Ic en hebbe met | v niet te doen Helacy sprack hij mijn lieue vriendinne waeromme is dit want ic doch | [30] anders niet dan v belieft ghedaen en hebbe Niet niet sprac sij ten is niets weert dat ghij | segt Ick sal my pynen te comen wt uwen huyse ghij hebt v hondekijn lieuer dan my. | den welcken ghij die costelijcke spyse gheseyndt hebt. ende want xanctus hier af niet en wis | te zo vraechde hij haer Wat spysen heeft v ghebracht esopus. Ende sij seide. gheen | met allen Ende doe sprac xanctus. Wats dit. ben ick droncken Ick hebbe v bij esopus ghe | [35] seyndt een platteel vol costelijcker spysen. Ende sij seyde. niet my mer v hondekijn. | Ende xanctus riep tot hem esopus hem vraghende. wyen hebdy ghegheuen die spyse die | ick v ghegheuen hebbe Ende esopus seide. der gheenre die v alre meest beminnende | is alzo ghij my beuolen hebt Ende xanctus sprac tot sijnen wyue. Verstaet ghij niet wat | esopus seyt Ic verstaet wel seide sij Mer hij en heeft my niet ghegheuen mer uwen | [40] hondekijn Ende xanctus seyde tot esopus ende Du groeuaert wien hebdi die spise ghe | gheuen. Ende esopus antwoerde hem Der gheenre die dy meest beminnende is. Ende | | |
[Folio b4r]
| |
xanctus vraechde. wie is die ghene Terstont lockede esopus dat hondekijn. ende seyde hem | Dit is die ghene. want die liefte vanden vrouwen en is niet. aenghesien eest sake dat | een wijf een weinich ghestoort isterstontGa naar voetnoot126 sij dan eenen man verwytende is alle tghene | dat sij peynsen darf ende seit ondorperlijckeheyt van den ghenen die sij seyt dat sij bemin | [5] nende is ende laet hem wesen. segghende Ic gae van uwen huyse mijnder vairden ende dyer | ghelijc Mer eest sake dat ghij uwe hondekijn wederomme roept. alst van v ghelopen | is so coemetGa naar voetnoot127 gheerne wederomme Ende daeromme soudt ghij my gheseyt hebben. | Gheuet die spyse mijnen wyue ende niet der gheenre die dy meest beminnende is Doe | seide xanctus tot sijnen wyueMijnGa naar voetnoot128 lieue vriendinnekijn ghij siet wel dat dese boeue an- | [10] ders niet en is dan een boertmaker ende een vinder van vele woirden daeromme wilt te | vreden wesen ende hebt paciencye want ick sal vinden een manyere midts de welc | ke ic v wel sal wreken ende dat hij groote slaghen ontfanghen sal Ende sij antwoirde- | de Doetet tghene dat ghij wilt want ick en sal met hem gheen woirden meer heb | ben. ende neemt v hondekijn want ick gae wech. ende midts dien zoe ghincse sonder | [15] adyeu wech inden huyse van haren ouderen. waeromme dat xanctus seer ende vter | maten ghestoort ende rouwich was. ende want esopus dit aenmerckende was. zoe | sprack hij tot xanctus Nu siet ghij wel dat v wijf die wech is ghegaen v niet lief en | heeft mer v hondekijn dat bij v ghebleuen is Ende want xanctus van twechgaen sijn- | der huysvrouwen ghestoort was ende droeuich zoe dede hijse bidden dat sij doch we | [20] deromme comen wilde Maer hoe meer dat hijse liet bidden hoe te meer sij daer in | verhart ende hertneckich was want hoe men meer biddet den vrouwen hoe sij meer | contrarye doen al soudet haer rouwen | |
|