Dye hystorien ende fabulen van Esopus

§ Die achtste hystorie vertelt hoe dat xanctus sijnen knecht | [15] Esopus verscalcken wilde |

SAnctus¹²⁴ die wilde vinden een oersake midts die welcke hij esopus hadde mo- | ghen slaen Ende want esopus die vier verckens voeten omme te sieden in eenen | pot hadden ghedaen zo toecher xanctus eenen wt omme esopus te verrasschen. mer | esopus inden pot siende beuant datter niet dan drie voeten in en waren. hij ouerlacht | [20] ende docht in hem seluen dattet sijn heer ghedaen hadde. ende is neder gheclommen | inden stal daer hij vant een vercken dwelck hij eenen voet af ghesneden heeft. | Ende hem wedercomme keerende heeft hijt inden pot ghesteken Mer xanctus |

124 SAnctus lees: XAnctus.

[fol. b3r]

verduchtende dat Esopus hem eenichsyns bespotten mochte heeft wederom- | me dien voet inden pot ghesteken die hij daer wt ghenomen hadde Ende als die | voeten ghenoech ghesoden waren zoe heeftse esopus wt ghewonnen in een plat | teele ende heeft beuonden datter viue waren Dit siende xanctus seyde tot esopus. | [5] Wat beduyt dit heeft een vercken vijf voeten Ende esopus antwoerde Twee verc- | kene hoe vele voeten hebben sij Ende xanctus seyde Acht voeten mer hier ysser vi- | ue Ia sprack esopus. Ende onse vercken dat hier beneden is inden stal heefter drie | dat maect acht tsamen Doe seyde xanctus tot zijnen vrienden. Hebbe ick v niet | dit wel gheseyt dat dese boeue met sijnder scalckheyt my wt den sinne maken sal. | [10] Ende esopus seyde hem Meester weet ghij niet wel dat alle dinghen niet goet en | sijn noch betamelijcken die daer ghesien ende gheseyt werden bouen der redenen | Ende want xanctus gheen sake en vant waer bij hij esopus mochte slaen zo heeft | hij al stille ghesweghen Ende daeromme soe was die knecht wijser dan die meester |