Dye hystorien ende fabulen van Esopus

[fol. b1r]

§ Die seste hystorie inder welcke wert vertelt vander vrouwe die haers | mans dienre Esopus hielt als snoode ende seer qualick verstandich. | te wesen ende niet wetende |

WAnt aldusdaneghe wisselinghen ende verweende knechtkijns ghij bij uwen | [5] heere gheuonden wildet hebbeu¹²⁰. Ende daeromme erupes een phylosophe | alzoe gheheyten hadde eenen gulden mont. die nemmermeer en loech doe hij | seyde dat inder zee ende in anderen ryuieren vele anxten sijn ende tormenten Ende oick me- | de dattet is een groot last te weten vander armoede ende datse seer moeyelic te dra | ghen is Ende seyde oick mede van meer ander anxten ende verdrieten die menegherande | [10] ende onghetallich sijn Mer bouen alle dese zo en ysser gheen meerder anxt oft sorch | uoudicheyt dant is een valsch ende een quaet wijf te hebben ende daer voir beduchten. | Ende hieromme mijn lieue vronwe¹²¹ zo biddic v dat ghij voertaen gheen suuerlijcke | ofte ghenoechlijke dienres om v te dienen meer aen nemen en wilt. op dat ghij | om een weynich tijts uwen heere gheene oneere oft ontrouwe en doet Ende sij sei | [15] de tot esopus Loopt wech ghij boeue want ghij niet alleen van lichaem mysmaect ende lee | lick en sijt mer oick van woirden nae dat ghij my aldus bespottende sijt. mer ick salt v | wel betalen want ick my wech steken sal ende mijnder vaerden gaen Doe seyde xanctus | tot esopus Siet ghij niet hoe dat ghij v vrouwe wel te vreden ghestelt ende ghepay- | et hebt Esopus sprack Meester ten is gheen lichtelijck dinck een wijf te moghen | [20] payen. mer het is een dinck dat te doen seer moeyelijc is. Ende xanctus seyde hem | Swijcht ende en spreeckt niet meer want ick v ghecocht hebbe omme te maken | vrede ende gheen onvrede noch oorloghe |

120 hebbeu lees: hebben.

121 vronwe lees: vrouwe.