Dye hystorien ende fabulen van Esopus
(2013)–Gheraert Leeu–
Auteursrechtelijk beschermd
[Folio a8r]
| |
§ Die vijfste hystorie vertelt hoe dat xanctus Esopus met hem leyde tot sijnen huy | se omme hem sijnre huysvrouwen te verthoenen | ENde daer nae als een yeghelijck tot sijnder woenstadt was ghegaen zoe | volghede Esopus sijneuGa naar voetnoot112 meester xanctus naegaende tot sijnen huyse waert | [5] so ghebeurdet dat xanctus al gaende bijdenweghe pyssede dwelck esopus aenmerc | kende hem bijder heuken ghenomen heeft ende seyde aldus Meester eest sake dat ghij | my ter stont niet en vercuoptGa naar voetnoot113 zo willick wech lopen Waeromme sprak xanctus Ende | esopus seyde hem Daeromme. want ick aldusdanighen heer niet dienen en mach | Ende xanctus sprack tot hem Waeromme. Ende esopus antwoerde Daeromme. | [10] Want aenghesien dat ghij een heerschap sijt ghij gheen scaemte en hebt. want ghij | die menschelijcke natuere gheen ruste en gheuet omme dat ghij al gaende bijden | weghe ghepysset hebt want als ick soude moeten gaen in uwen dienste. ende ick dan | mynen buyck ende lichaem soude willen reynighen diesghelijckx ende in alsuck- | kerGa naar voetnoot114 manyeren ick oick soude moeten gaende oft lopende mijn gheuoech doen | [15] Ende xanctus seyde hem Hier op en sult ghij v niet storen Mer verstaet tghene dat | ick v segghen sal Omme te scuwen dryerhande scade so eest dat ick al gaende bi | den weghe ghepysset hebbeDyersteGa naar voetnoot115 omme dat my des middachs die hitte van | der zonnen niet en soude quetsen mijn hoeft. Die andere op dat mijn vrine mijn | voeten niet en soude verbarnen. Ende dat derde. omme te scuwen die stanck van | [20] mijnre vrinen ofte pyssen. Dese drierhande onghemaken hebbe ick ghescuwet | doe ick mijns weechs algaende pissende ben gheweestEndeGa naar voetnoot116 esopus seyde hem | Ick ben te vreden van uwer antwoerde. Ende als zij waren voer dat huys zoe | seyde xanctus tot esopus Toeuet hier een weynich voer der poerten op dat ick | een weynich voir mach gaen omme v te prysen voir dijnre vrouwe myne huysvrou | [25] we. Esopus was des te vreden. Ende als xanctus was tot sijnen huyse inghegaen | heeft hij gheseyt tot sijnre huysvrouwen aldus Vrouwe ghij en sult met mij gheen | twyst meer hebben want ick hebbe ltijt begheert omme v te besorghen van eenen | schoonen dienre. waer omme icker eenen ghecocht hebbe. zoe wijs ende zoe ghe- | noechlijck dat ghij uwe leuens daghe nye schoonder ghesien en hebtEndeGa naar voetnoot117 als | [30] die dienstmaechden dese woerden hoorden meynende al waers begonsten zij on | der malcanderen sceldende te werden Ende die eene sprack Mijn heere heeft my | ghecocht eenen suurlijekenGa naar voetnoot118 Ende die andere seyde. Mij heeft te nacht ghe- | droomt dat ick ghehuwet was Ende als dese dienstmaechden ondelingheGa naar voetnoot119 aldus wa- | ren sceldende sprack die vrouwe ende seyde Heere waer is dese suurlijcke ghezel | [35] le die ghij zoe hoochlijcken ghepresen hebt Ick bidde v dat icken sien mach Ende | xanctus seyde Hij is voir die poerte Ende die vrouwe sprack Ick begheere op | v dat ghij hem inne brenghen wilt. Ende want die dienstmaechden onder malcan | deren twysteden. Soe spracker een in haer seluen Ick sal die yerste wesen die hem | sien sal. ende in dien ick mach sal hij mijn man wesen. ende doen sij was buyten den | [40] huyse so seide sij Waer is dese suuerlijcke ionghelinc die ick dus langhe begheer | | |
[Folio a8v]
| |
hebbe Ende esopus antwoerde daer op Wat eest dat ghij begheert Ick ben dye | ghene die ghij soect Ende als die dienstmaecht desen esopus hadde ghesien was sij | gheheel veruaert van anxte ende seyde Syt ghij die suuerlijcke pauwe waer is | dijnen schoonen steert Ende esopus antwoerde haer Hebdij eenen steert te doene so | [5] weet dat ghij des gheen ghebreck hebben en sult Ende als esopus inne waert wilde | gaen seyde tot hem die dienstmaecht Treedt hier niet binnen want alle die ghe- | ne die dy zien souden inden huyse souden wech lopen. Ende daer na tradt sij tot haer | ghezellinnen ende seyde. Mijn lieue ghespeelkens ick brenghen v hier eenen alte | suuerlijcken dienre Ende dandre dese woirden hoorende ghinck wtwaert buy- | [10] ten die dore. ende aensiende esopus dus leelijck wesende ende mysmaect seyde O ghij | vuyle boeue dat ghij bersten moet siet wel toe dat ghij my niet eens aen en tast. | Ende alse dan Esopus trat inwaert inden huyse. zo verthoonde hij hem sijnder | vrouwen Den welcken als sij hem aensach haer aensicht onwaerdelijck van hem | keerde Ende sprack tot xanctus Voer eenen suuerlijken dienre. den welcken ghij mij | [15] ghebracht soudet hebben hebt ghij my een wonder toe ghebracht werpt hem daer | buyten Ende xanctus seyde tot haer. Mijn lieue wijf ghij moghet met recht nv wel | wesen vrolijck ende blijde want ick v eenen vrolijken dienre toe ghebracht hebbe | Ende zij antwoerde Xanctus ick verneme wel dat ghij my niet beminnende en sijt | want ghij een andere huysvrouwe begheert te hebben Ende alzo ghij mij dat niet en | [20] dorst segghen so hebt ghij mij desen groeuen boeue toe ghebracht op dat ic my | van uwen huyse wech steken soude. om dat ghij weet dat icks niet en soude mo- | ghen lijden Niet te min ick bens te vreden gheeft mij mijn mede gaue ende terstont | sal ick mij wech steken ende van hier gaen Doe seyde xanctus tot esopus Als wij wa | ren onder wegen zo hadde ghij vele claps ende nv spreeckt ghij niet Ende esopus | [25] antwoerde hem. Het is daeromme want dijn huysvrouwe alzoe boes ende quaets | aerts is Ick bidde v dat ghijse in die vanghenisse legghen wilt. Ende xanctus seyde | hem Swijcht du alstille op dat ghij niet gheslaghen en wert En merct ghij niet | dat ickse lieuer hebbe dan my seluen Ende doe seyde hem esopus Ick bidde v dat | ghijse beminnet ende lief hebbet Xanctus seyde Waeromme niet Ende esopus stiet doe | [30] met sijnen voeten opt pauiment ofte vloyer vanden huyse Ende riep met luyder stem | men aldus Comt allegader ende siet hier een groot myrakel Dese philosophe xanc | tus is gheuanghen van eenen wyue. Ende midts dien hij hem keerde tot sijnder | vrouwen ende seyde aldus Mijn gheminde vrouwe Ick biddu dat ghij mijne woir | den int quaet niet nemen en wilt Ghij wildet dat men v hadde ghecocht eenen | [35] dienre van iaren ionck wesende. wel ghestelt van leden. wel verchiert. machtich | wesende ende rijck omme dat hij v hadde moghen dienen inden baden Ende om | me v te draghen op der coetsen ende omme te crauwen dijne voeten Ende niet al- | dusdanighen snoeden ende mysmaecten knecht als ick ben | |
|