Middelnederlandsche dramatische poëzie

[p. 275]

⁺De naprologhe.

 

Notabile, vercorene, eerwerdighe,

 

Goetgrondige, hooge vermaert,

 

Wijse, voirsienige, rechtverdige,

 

Die hem hier uut mijnnen openbaert,

5

Tuwer alder liefden eest verclaert,

 

Hoe thelich sacrament vander Nyeuwvaert

 

Hier te Breda is ghebrocht int stede.

 

Wij bevelent dijnder wetentheden.

 

 

 

Grave Jan van Nassouw zaliger gedachten

10

Ende joncfrouwe Marie lofsam

 

Met sulcker jonst hier inne wrachten,

 

Dat hier bijnnen Breda quam.

 

Wijen dit oyt in zijnder herten nam,

 

Doof, blijnt, stom, croepel ende lam

15

Hevet mijdts zijnder graciën genesen;

 

Des moet euwich ghebenedijt wesen.

 

 

 

Ten de noijt soe veel miraculen

 

Ter Nyeuwervaert, nu al vergaen,

 

Ten heefter in deser tabernaculen,

20

In onser stadt van Breda meer gedaen.

 

Hier om ghij, die hier sitten oft staen,

 

Op dat ghij salicheit mueght ontfaen,

 

⁺Tsacrament tuwer zielen bate,

 

Doet desen sacramente dijn caritate.

 

 

25

Loovet ende eert als God ende mensche,

 

Aenroepet devotelijc, alst u noot es:

 

Het vertroost den bedructen te wenssche,

 

Bij sijnder hooger cracht, die groot es.

 

Ghij weet wel, wat dat dijt broot es:

30

Gods lichaem, vleesch ende bloet root es;

 

Daer om wat ghijer om doet warachtich,

 

Dat doedij selve Christum almachtich.

+ 66b

+ 67a

[p. 276]

 

Doet uwe devocie den sacramente,

 

Ghij, gulde bruers, oft wie ghij sijt,

35

Compt in dese gulden als obediënten,

 

Ter eeren den sacrament gebenedijt,

 

Soe wordij deelachtich talder tijt

 

Den scoonen dienst, tuwer zielen proffijt,

 

Dat men tgeheel jaer duer doet,

40

Om de brueders ende de susters goet.

 

 

 

Ghij merct, hoement besteedt inder kercken,

 

Dat men den sacramente gheeft ter eeren,

 

Inde capelle tot veel werken,

 

U allen ter liefden, vrouwen ende heeren.

45

Ons bewijs wilt in dancken bekeren.

 

⁺Op dat des salicheit sou vermeeren,

 

Hebben wij van den sacrament gespeelt,

 

Daer met dat men u Gode beveelt.

 

 

 

amen.

+ 67b

3. voiersienige

43. weeken