Mi lenga. Deel 2

[p. 97]

Di bintiun lesaant.

Puntwashon

Maske e no tin ningun utilidat gramatikal, puntwashon tin un uzo mashá lógiko. Pasobra e ta yuda e lektor, p e por lesa ku mas fasilidat.

Antoine Maduro

Puntwashon ta reflehá e inflekshon di nos stèm. Ki ora ku nos papya, nos ta marka loke nos bisa ku kambyo di nos stèm. Nos ta wanta djis un momentu, powsa poko mas, grita, puntra, sklama, kwe rosea o keda ketu un ratu.

Kòma

Un kòma ta indiká e powsa di mas kòrtiku. Ta uza ‘kòma’ pa separá e varyos partinan di un serye:

Yoshi a bai kumpra kos pa Toya, Djo, Tela i Banban.

Ta un hende su obligashon di biba desente, sufri boka ketu, muri trankil.

Tambe ta uzé pa separá un frase dependyente for di e frase prinsipal.

Ora el a yega, ami a bay kaba.

M'a yudé, pasobra e ta pober.

Un splikashon o un aposishon ta pará entre dos kòma:

Felipi, e karpinté delegá, sa traha bon.

Mi tata, kende ta un hòmber seryo, no ta gusta pantomina.

[p. 98]

Kòrda bon:

Ora ta uza ‘i’ o ‘ni’ no ta uza kòma:

Kalin i su mama.

M'a grita duru, pero ni hende ni palu.

Punto i kòma

E powsa di un ‘punto i kòma’ ta un tiki mas largu ku di un ‘kòma’ i un krenchi mas kòrtiku ku di ‘punto final’

Ta uzé pa separá e frasenan ku kasi por para riba nan mes:

Tansha a para skucha su boka ketu; e no a baha kara ni un momentu so; myentrastantu e polisnan a sigi yuda e personanan heridá.

Dos punto

Esaki ta e signo ku ta hala atenshon.

E ta indiká ku loke ta sigi lo bira un splikashon:

Bernardo a siña tres lenga: spañó, ulandes, ingles.

Ta uzé tambe pa indiká loke un persona ta bisa:

E ora ei Feli di: ‘Ami si no ta loko’

Punto final

Ta uza ‘punto final’ tras di un frase ku a kaba:

Ayera nos a bay kas.

Mani ta un bon hende.

Tambe ta uzé den kaso di abrevyashon:

Dr. Q.E.P.D. A.D. Sra.

[p. 99]

Signo di eksklamashon

Esaki ta pa indiká eksitashon, emoshon, sorpresa i admirashon.

Para! Wanta! Hepa! (eksitashon)

Hesusey! (emoshon)

Ata! (sorpresa)

Do piki! (admirashon)

Signo de interogashon

Ta uza esaki tras di un pregunta direkto:

Bo ta bay hunga bala? (direkto)

Nan ta na kas?

Djo a puntrami ku mi ta bay hunga bala. (indirekto)

Paréntesis

Si nos agregá algu ku kasi no ta kambya nada di e frase su nifikashon, nos ta uza paréntesis:

E artíkulo akí ta sali den Mensahero (mart 1970).

Mani ta sali trabow (manera semper) sinku pasá di sinku.

Komia

Pa enserá loke un persona a bisa, nos ta uza ‘komia’

E mama a skwal e mucha: ‘Bandidu ku bo ta’

Tambe pa indiká ku un palabra ta straño, o uzá ku nifikashon diferente:

E palabra ‘Oke’ a bini di Merka.

Toni a yama e kriatura grasyoso ‘mahoso’, pa demostrá ku e mucha ta bunita. (kambyo di nifikashon).

[p. 100]

Sa uzé tambe pa indiká título di un buki, un pelikula o un komedya:

M'a bay mira ‘Rebeldia’

E mihó pelíkula ku m'a mira ta

‘Gone with the wind’.

Apostròf

Tur kaminda ku nos laga un o mas lèter afó, nos ta uza un ‘apostròf’

Un bak'i (baki di) pinda.

S' e n' ke bay (Si e no ke bay)

Ehèrsisyo

Uza puntwashon korekto den e pasashi ku ta sigi:

Ayera mainta banda di dyes or Medardo a gritami den kaya Hey Ki ora bo ta bin buskami awe tardi

Ma kontestá Lo mi hasi mi esfwerso pa yega prome ku tres or Por bira mitar di kwater tambe

Despwes ma sigi kana sin preokupá muchu Kon ku bay bini Medardo

un Shon Kochi Kayente manera semper di su bida ta ansha masha