Pos di pia
Kasi sigur b'a tende e proverbio: ‘Baka ku yega pos promé, ta bebe awa limpi’.
Lo bo no por a kompronde kon un baka por drenta un pos normal, bebe awa i bolbe sali.
Probablemente e proverbio akí a origina pa via dje pos di pia. (Mira e dibuho aki riba). Antes e hendenan di kunuku a traha pos di pia, pa nan bestia den mondi por baha i bebe awa sin molèster, pasobra na un banda e pos ta baha gradualmente, di moda ku por kana na pia, baha den dje i bolbe kana sali.
Naturalmente e bestia o baka ku yega promé, ta haña e awa limpi, sin sushi di yerba ni baba.
Awendia e proverbio akí ta nifika: Esun ku yega promé, tin e mihó chèns.
Auteursrechtelijk beschermd
