Kantika pa Bjentu

[p. 13]

Pasando tras di un santana

Pasando tras di un santana
i mirando tur e túmbanan blikjá,
m'a weta un,
kaminda bida di henter un hende
tabata kontá ku kwash'i fèrf n'e bóveda:
O.D. 1962.
Asin' ej. Nada mas.
M'a hari, klaro, mi mester a dal un gritu hari.
Ken ta drumi hole stinki
den e túmba, mi no sa.
Por ta muhe, e por ta hòmbr,
por ta sjòwru, por ta genjo.
Blo dos inisjal, un fecha,
den purá skirbí.
Pesej m'a grita, salud'e: Ruman, ke tal!
Despwes m'a sagudí shinishi di mi sigaria,
sigui kamna baj.