Kantika pa Bjentu

[p. 12]

Nonze su kantika di tambu

Est' un anja di mizerja
ku n' tin henge pa want'e.
Ni muraja n' ke tenemi,
lapi-lapi ku mi ta.

Krus ta bów, mi mama dushi.
Tin Wansitu riba mesa.
Tin spiritu na mi skina,
te kachó ta kore baj.

Sentebibu na mi porta
no ke shi mi enemigu.
Lumbra blanku ku su huma
'n judami bati nan.

Pa mi rondja poko brijo,
watakeli m'a beb'e,
ma su aw' a lanta marga,
laga fuku hostiná.

Kuk' indjan pa wanta stoma,
kalalú pa den berán,
m'a sut'ele, sera wowo,
pero bòfi n' ke tum'e.

Lo mi kamna ranka jerba
pa kabaj di shon Simion
raspa sálu kontr'i awa,
tra' kalbas florjá na man.

Ata nan ta toka kachu,
pa manjan mi paga ple,
tira píki den baranka,
fish'i aranja pa busá.

Resa Kredu pa mi muri.
Nonze n' ta buriku mas.
Planta síja n'e buraku.
Waze dí mi laga kaj.