Kantika pa Bjentu

[p. 11]

Den mi paden

Den mi paden
un violonsèl ta jora
den oló di kweba.
Man di un erante ta tok'e;
tin nèshi di aranja riba dje,
ku tera di santana.
Ma kisas pasobra sempr su zonidu
tabata kompanjo den matrís
di mi sintí,
mi n' hasi kaso.
Pero awe sí mi ke skuch'e
ku atenshon,
mi só.
Si otro no por tende,
ki ta importá?
Nan sa ta ken,
pa komprondé?
Nan sa ta ki'
mi tin skondí?
Ban jora 'nto mi eskeleta,
jora kwantu ku bo ke.