Kantika pa Bjentu

[p. 8]

Si otro moda ja no tin pa nos

Si otro moda ja no tin pa nos,
ban despedí anto sin lagrima,
sin wega di palabra den nos dos,
ku márka di rekwèrdonan mimá.
Momentunan skondí di nos amor
lo plama baj den mondinan, tirá
manera tantu residá su flor
a baj perdí, sin nunka ta mirá.
Si por, no danja nos separashon
ku keho ni doló. Mi n' aspirá
di mira fin kibrá dje stimashon
asina 'ki. Pesej mi ke bo baj
sin velo di tristesa. Okashon
di jora ta den lat ku su malaj.