Kantika pa Bjentu

[p. 9]

Ajera nochi, kwatr be spjertá

Ajera nochi, kwatr be spjèrtá,
m'a sinti bo spiritu band'i mi.
Kerjendo ku porfin mi ta shèrtá,
m'a sonreí, mirando bo drumí.
Den kokolishi di mi brasanan
m'a karisjá bo kara, bo kabèj,
pero na mes momentu ku mi man
a tapa bo sunú, b'a tembla, drèj
i somentá. M'a grita tur spantá
bo nòmbr den kjetut di mardugá,
ma bjentu so a riska lamantá
mi dwele for di swela, entoná
doló di mi suspiro ku kantá
di su murmuro tristu bandoná.