Kantika pa Bjentu

[p. 6]

Mi n' ke tin nunka ningun pretenshon

Mi n' ke tin nunka ningun pretenshon
di traha monumento, pa despwes
posteridat por kere mi kansjon
por ta premeditá, ku interes
di buska mundu su aprobashon.
M'a laga meramente mi sintí,
bòw di preshon di mi pashon,
guiami, pa mi no arepentí
paso' mi no a papja di plaser
di kos bunita, ku m'a primintí
mi propjo alma. Di mi mes poder
m'a kanta; jora ku mi boluntat,
pa kumpli ku mi alma su mester
di gosa loke ta su libertat.