De Middelnederlandse boerden
(1957)–C. Kruyskamp–
Auteursrechtelijk beschermd
[pagina 46]
| |
VIII Vanden cnape van Dordrecht ene sotte boerdeaant.
Ga naar margenoot+ Alle swighet ende hoort,
Wat te Dordrecht in de poortGa naar voetnoot2.
In corten tide nv ghevel;
Dat soe weet de meneghe wel.
5[regelnummer]
Te Dordrecht wert men gheware
Van enen man met langhen hare;
Sere costelijc hi was.
Eer men dierste messe las,
Was hi altoes inden wijn;
10[regelnummer]
De beste spise moestem sijn
Die men vant, altoes ghecocht
Ende in die tauerne brocht.
Dese cnape was soe milde,
Wie dat met hem drincken wilde,
15[regelnummer]
Was hi groet ofte cleene,Ga naar voetnoot15.
Dese knape betalet altoes allene.
Des baeliuus knapen die dit sien,
Wel .vij. daghen datse spien
Wat ambacht dat hi plach,
20[regelnummer]
Die selken kost dreef alden dach.Ga naar voetnoot20.
Sine saghen hem doen gheen ambacht.
Vore den baeliu hebben sijt bracht,
Dat soe costelijc es een man
Ga naar margenoot+ Ende men niet gheweten en can,
25[regelnummer]
Buten der porten ofte daer binnen,
Waer mede dat hiit goet can winnen.
Alse die baeliu dat verstoet,
Den knape sochti metter spoet;
Op de strate hine vant.
30[regelnummer]
Die baeliu sloech an hem die hant,
| |
[pagina 47]
| |
Hi sprac: knape, ghi moet mi tellen,
Ic sie v onder die ghesellen
Al den dach wijn drincken;
Den meneghen doedi scincken
35[regelnummer]
In die tauerne sijn gelach;
Wanen v dit al comen mach,Ga naar voetnoot36.
Dat ghi dus gaat drincken, eten,
Dat willic emmer van v weten.
Die knape sprac: lieue here,
40[regelnummer]
Ic sal v tellen mine nere,Ga naar voetnoot40.
Maer bedect moet bliuen:
Ic baenke om gelt der mannen wiuen.Ga naar voetnoot42.
Die baeliu hilten anden caproenGa naar voetnoot43.
Ende sprac: mach men alsoe doen?
45[regelnummer]
Ic en cans v niet gheloeuen,
Ic en sies teeken metten oghen.Ga naar voetnoot46.
Die knape sprac: volghet mien,
Her baeliu, ghi selet sien;
Mi comen [si] hueren hier ter plaetse.
50[regelnummer]
In hoerde noit soe goeden caetse,Ga naar voetnoot50.
Sprac die baeliu, al nv gaet
.................
Nemmermeer alse van mien
Magic enech teeken sien.
55[regelnummer]
De knape van den baeliu sciet.
De baeliu hier cort na siet
Waer een out wijf quam ghegaen;
Al daer de knape was ghestaen,
Daer maecte si haren ganc;
60[regelnummer]
In beiden siden was si manc.
Den knape sprac si al dus an:
Wel sijs haer ghehulpen can.Ga naar voetnoot62.
Ouer een droeghens sijs daer.Ga naar voetnoot63.
Die knape die tert hier naer
65[regelnummer]
Toten baeliu daer hi stont.
Hi sprac: her baeliu, .xx. ℔
| |
[pagina 48]
| |
Salic winnen eer comt morghen
.................
Moghdi wesen wel van mien.
70[regelnummer]
Hier hebbics ghenoech ghesien;
Ga naar margenoot+ Seker ghi sijt een goet gheselle,
Ghi winnet met besweetten velle.Ga naar voetnoot72.
Drie daghe wel hier na leden
Dat die baeliu had doen gheredenGa naar voetnoot74.
75[regelnummer]
Enen maeltijt met sinen maghen.
Ouer tafel began hi ghewaghen
Vanden scoenen jonghelinc
Ende waer mede hi omme ghincGa naar voetnoot78.
Ende hoe hi hem soude maken cont
80[regelnummer]
Dat hi soude .xx. ℔
Winnen op enen nacht.
Si spraken: dats een goet ambacht.
Alse desen maeltijt was ghedaen,
Des baelius wijfs op ghestaen
85[regelnummer]
Ende ginc in hare camere sciere
Daer si vant haer cameriere.
Si sprac: en hebdi niet ghehoortGa naar voetnoot87.
Vanden knape in die port
[die] om gelt can doen die bederue?Ga naar voetnoot89.
90[regelnummer]
Ic moeten hebben oftic sterue.
Soecten tot dat ghine hebt vonden,
Gheloeft hem genoech der pondenGa naar voetnoot92.
Dat hi come in deser nacht
An mi werken sijn ambacht.
95[regelnummer]
Die cameriere liep ende ran
Toter tijt deatse vant de man.
Si droeghen ouer een ter stont
Dat hi soude winnen .xx. ℔.
Altoes waest de[s] baeilius sede
100[regelnummer]
Dat hi selue wachten dede
| |
[pagina 49]
| |
Alle nachte met sinen knapen,
Entie werc man ginc slapen.
Sijn werc dede hi alsoe wel,
Dat hem die scoene vrouwe snel
105[regelnummer]
Groeten prijs heuet ghegheuenGa naar voetnoot105.
Bouen haren man int leuen.
Ende alst biden daghe quam,
Die vrouwe de tale ierst nam
Ende sprac: knape, nv op staet,
110[regelnummer]
Hets tijt, van hier nv gaet;
Men sal v betalen morghen.
Ic mach emmer niet borghen,
Sprac die knape, ic moet ontfaen
Mijn gelt eer ic op sal staen.
115[regelnummer]
In hebbe niegherinc ghewrocht,Ga naar voetnoot115.
Ga naar margenoot+ Mijn gelt en was mi ghecnocht
Smorgens in mijn hemdekiin.Ga naar voetnoot117.
Die vrouwe sprac: de here mijn,
Het es dach, hi sal comen!
120[regelnummer]
Ons beiden werdet dlijf ghenomen!
Met dat si aldus laghen,
Begant herde scoene te daghen.
Die baeliu die wil gaen slapen,
Orlof hi gaf sine[n] knapen.Ga naar voetnoot124.
125[regelnummer]
In sijn camer ginc [hi] af doen
Cleedre, cousen ende scoen;
Doen keerdi hem te bedde waert.
Sciere versach hi des knapen baert.Ga naar voetnoot128.
De baeliu die wert sere ontdaen
130[regelnummer]
Entie knape recht hem op saen
Ende sprac als een deghen vrome:Ga naar voetnoot131.
Her baeliu, sijt wille come!
Die baeliu verkenden scier
Ende sprac: wat doedi hier?
135[regelnummer]
Die knape andworde saen:
| |
[pagina 50]
| |
Mijn ambacht hebbic hier ghedaen.
Die baeliu sprac: doet an v cleeder,
Ende gaet wech; ghi hebt mi leeder
Ghedaen dan mi noit man dede.
140[regelnummer]
Die knape ter antwerden sede,Ga naar voetnoot140.
Alse die stout was ter talen:
Her baeliu, doet mi miin gelt halen
Daer ic omme hebbe ghezweet.
Ouer lanc waric ghecleedt
145[regelnummer]
Ende ware wech van hiere,
Haddic in minen pauteniere.Ga naar voetnoot146.
Die baeliu sprac: doet mi verstaen,
Hoe vele seldire of ontfaen?
De knape sprac: mijn ghelof
150[regelnummer]
Was, eer ic quam int hof,Ga naar voetnoot150.
Eer ic noit dit werc bestont,
Was miin belof .xx. ℔.
De baeliu sprac: doet mi ghene scande,
Des biddic v, in desen lande.
155[regelnummer]
.xx. ℔ zal ic v gheuen,
Maer noit en gauic in mijn leuen
Gelt dat mi dede soe wee.
Vus wercs en willic nemmermee.
Die knape ontfinc zijn gelt.
160[regelnummer]
Alse hijt hadde in siere ghewelt,
Ga naar margenoot+ Docht hem sijn goede auontuere.Ga naar voetnoot161.
Wat si vort binnen der duere,
De baeliu ende sijn wijf, bedreuen,
Des en hebbic niet bescreuen;Ga naar voetnoot164.
165[regelnummer]
Daer omme ic hier de redene late.
God gheue ons ter zielen bate.
Amen .c.lx iiij. verse |
|