Reyze van Iacop Kreynck un Deryck Vogel van Zutphen toe Ierusalem na den heylighen Grave Christi Anno MCCCCLXXIX
(2013)–Iacop Kreynck, Deryck Vogel–
Auteursrechtelijk beschermdBenodigdheden voor de overtochtItem dit syn die provande diemen behoevet up eyne geleyde, als men to Ffenedien to schippe geyt, und wil varen to Iherusalem, und weder to Ffenedien eynen man to synre koste. Item in den eersten twe scarre beschut broet, dat witst datmen vint, sal kosten II ducaten. Item VI karniel wyns, an wysserste den alrelicksten wyne dien men vint, want wil eyn man sterken wyn hebben, dien vyntmen veyle under weghen beteren koop dan to Ffenedigen. Ga naar voetnoot+ Item een syde speckes, schottel visch, dat is te verstaan, die geen ael ende moerael, ende sto[cvis], toe gader omme twie ducaten. Item copet eyn eyken vat mit eyn dexsel, daer ghy u bevoech in doen off gy des noet hedden of ghy kranck worden. Item XX pont ryses und XVI pont mandelen, ende eyn ducate omme sukercandy, und wat sukers mede. Item boven al erweten, und wat gerstens borns I ducate und een halve barriel wyn esyck und eyn kruke alys und VI pont botteren, und salt X ( Ga naar voetnoot+ und laxative und confect vor eyn | |
[Folio 2v]
| |
ducate, und XXX of XL vogele, die gesolten sint. Und hebt altyt een berniel Ga naar voetnoot+ mit verschen watere und eyn ketel, eyn pot mit een dexel und eyn panne, eyn byl, Ga naar voetnoot+ eyn schottele, eyn lepel, telluyren, kaarnen ende pannen, taeflaken, dwalen, end eyn holten martier, ende eyn lanterne, eyn waskerse, ende eyn kiste omme LXX ( daer ghy alle dinck in sluyt, ende eyn bedde mit twie par lakene, und twie oerkussen. Item ghy sult emmer met u hebben twie vlesschen opt hillige [l]ant, die eyne vul mit etike und die ander mit wyne, und als ghy up dat hillige lant wilt gaen so nemet mede eyn schottel und eyn lepel. Item dit vorgeschreven, mit der camerhuyr, sal kosten te samen XXX ducaten. Ga naar voetnoot+ |
|