Nederlants treur-spel

Lof-dicht Over Ian Siewertsen Kolms
Vertoonde Spel der Nederlandtsche Beroerten.

COmt Musen drymael dry, croont toch al met Laurieren
Dees soete Rymers werck, die soo Const-rijckich heeft
Opt aerts tooneel vertoont, de Claechreen en manieren
Van Princen eel en vroom, hoe datse zijn ghesneeft.
Want hy't so levent stelt, en toont voor elcx aenschouwen,
Door zijn soet vloeyent dicht beweeght oock yder daer,
En schenckt door d'Eelen druck met op merck, tot onthouwen,
Nevent speelwijs vertoont, in eyghenschap of waer
Lavender waer's nu 'tloon? die toont Vyt s'Levens Ionste
Aen u groot maeck tot stant, door d'Afbeelden beleeft,
In meenich heerlijck werck der Reden-rijcke Conste,
En over groot vernuft 't gheen u Minerva gheeft.
Gaet heen en vaert soo voort: laet uwen gheest toch steyg'ren
Door faem ten trots des nijts, stelt u doen nu ten toon
G'lijck ghy o Meeter doet, Homerus sal d'eer niet weygh'ren
Te stellen op u hooft, een Mirtes Lauwer Croon.

Elck raept wat.