Het stamboek op de papiere snykunst van Mejuffrouw Joanna Koerten, huisvrouw van den heere Adriaan Blok: bestaande in Latynsche en Nederduitsche gedichten der voornaamste dichters

[p. 23]

Ad nobilissimam, spectatissimam, et artificiosissimam dominam, D. Johannam Courteniam, cum picturas ejus elegantissimas, forfice delineatas, admiranda mihi data esset copia, Elegia.

Artificum claros qui decantare labores

Ardet, & in latos flectere verba sonos;

Courteniae celebret miracla stupenda Johannae,

Quosque suo finxit pollice gnara Duces:

Namque opus Idmoniae superant ac stamen Arachnes,

Et quae deduxit fila Minerva colo.

Nec sua templorum laudet veneranda vetustas

Rudera, nec doctâ scripta notata manu;

Neve suos jactet Mavortia Roma triumphos,

Ac taceat gemmas Indica terra suas.

Omnia nam vincunt victurae in secula chartae,

Forfice caelatae Courteniae que manu.

H. Verryn, P.F.

J.U.D. ac J.C.