VIII.
GREATE STALCKE;
DY goe ijn-borste in frijuenlijcke njue dear jon E. my mey oon-gloerket; kin ick sjean in teastje uwtte leste, in neyst leste, schrieuwinghe fen jon E. ontfinzen. De ijnnigge frjuene-njue det 'it, dat jon E. mijn rijmlerye so fier boppe fortjenste wirddearret. In al bin ick so sier naet buwtte gaey, dat ick 't my wirddigje, (dy my so nactigh kin, dat ir naet kinstigs ijn my iz) om fen socken hag-fleanden gaest, az ick ijn jon E. blinckjen sjog for-oon-genamme to wirdden. So iz 't, dat ick my des to haeghlijcker seyng je, dat ick sock in frjuene bekomd habb'. It formeyts fen mijn jeld, dy wille fen mijn hert de wollust fen mijn sinnen. (so wol dy fijf uwtterlijcke az dy twaijnnerlijcke) wier for ick God tanckje, in bin, blieuw jon tjenner, jon frjuene, jon Stalcke in (mey ien wird) jon
GYSBERT
LEtsel yn onthâd die my forjitten dat selle dat my dy pin ynne hân joe om to schrieuwen. Ick stjoer den dizze mey-geande ferssen, for dy Seeuwsche Jiffer, uwt myn ade rymme, hier in dear, by yen helle; hette nys woe myn forklomme binne-holle naet uwt lieuwerje. Isse 'er mey tjienne, dear 's meer behâden. Groetjese fen my, dy langjet om her rymme-ferssen to be-noazjen. Wol licht kom ick to Pingster reys to Ljeauwerd, om jon E to sjean, in mey elck-oorme to petearjen. onder-twifsche d' Allerhaegste befelne. Boalsert dy sânde fenne May- aef blomme-moanne. ciɔ iɔc lv.
Jiette reyz, jon tjenner, jon frjuene, jon Stalcke,
Gysbert Japicx.
Auteursrechtvrij