Friesche rymlerye
(1681)–Gysbert Japicx–
Auteursrechtvrij
[pagina 60]
| |
(Stemme: Galethea geestigh dier, &c.)1.
Reamer.
WOl-komm' freugde fenne wrâd,
Haed-ljeacht oerre Stierren,
Griente, kruwd in Blomme-Fâd,
Mietter fen uwz jieren,
Hymmel-eag dy 't al oer-sjocht,
Dy uwz Dauwe' in Miste' ontjocht,
Dy uwz 't fjild bemiellet,
Ja mey goud oer-striellet.
2.
Kersse' in Laempe fenne dey,
Uwle fijnne', Yz-teyer,
Moude-stuwwer, droegge-wey,
Nacht- in Froast-forjeyer,
Ljeapper oer it wiet in 't druwgh,
Ruwg-om-rinner, nummer sluwg
Yer in let allinne
Wol-komm', wol-komm' SINNE.
| |
[pagina 61]
| |
3.
't Sjogh de nacht al rju forfleyn,
Mey syn bruyne wjuecken
Alle man dy ryst oer-eyn,
In begint t'ontluwcken,
d'Yene pluwgget, siedet, eyd't,
d'Ore Schiep in Ky forweyd't,
Elck iz drock yn roeren,
Om syn dwaen to stjoeren.
4.
Alle djier, forhuwgge, sit,
Rint, fljugt, ljeapt in donset,
Brinsget, derten boeyte wit,
Blerret, bôllet, gonzet,
Eyn in Gies yn 't wetter sljuerckt,
't Wylde fuwggelt tureluerckt,
Libbje' yn free in resten,
Boeyte scheel in lesten.
5.
Lesten wierom swit in bloed,
Fen uwz ljea môt drippe,
Jae benimme uwz hert in moed,
Dat uwz schoncken krippe,
Sonder rest, korts, let in yer,
Neye Pluwge, neye djier,
In, al het wy schraepje,
Kin dat schird naet laepje.
| |
[pagina 62]
| |
6.
Jiette liet ick 't gean so môght,
In ick schoe my dilde,
Datme rest in free dogg' soght
t' Hâdden yn uwz hilde:
Mar de Free, dy ljeave Free,
Raegget me' uwt, yn Dorp in Stee
In me bret krakeelen,
Schortting, moeyte' in schelen.
7.
Scheel set Eed in wird to loar
Alle uwre' in stuwne,
Scheel drieut frjuenschip boeyte doar
Twissche ljeave frjuenen,
Scheel set Tjercke' yn wer yn roer,
Ja de wrad yn koal-ljeacht fjoer,
Och! wa djiept nu wiette?
Wa sil 't gleon uwt-jiette?
8.
Oolje' in Swevel, ynne bran,
East me' ynn' pleats fen wetter.
God! doz baernt uwz ljeave lan,
Helsck, in 't wirt naet better.
Kuwppjen, guwttjen, wrockjen, twist,
Nyd, spyt, spot, ferried in list,
Mey, oor' Pest-djier spoeckje,
Jeldje, wispje' in smoeckje.
| |
[pagina 63]
| |
9.
Sljuecht in rjuecht, yenfadig, from,
Lijcket me fen boeyte,
't Hert iz duwbbel falsck in krom,
Hiet fortoarst ney moeyte.
O! dit wytget naet az quae,
Oer elck Sted, oer goa in gae,
Doz sil d'Hymmel-roede
Uwz uwt-feye' in wjoedde.
10.
Tjuts-Lan wier uwz spegel klear,
(Speeg'len wy uwz jiette)
Ho stjoerd God syn pleagen dear,
Freaslyck oer de miette:
Mar, wa wecket fen dy spoar'?
Ninter speeg'let oon in oar,
Sonder sjean oef hearren,
Rintme ney 't fordearren.
11.
Goune SINNE duwck in blieu,
Loyts oone' oore' igge' hinne,
Werzzet dy uwz stjonck-bedrieu.
Dog' dyn Hynzer rinne,
In dyn laeytsende' eag dat gljuerr't,
(Trog de lest dy 't al bestjoert)
Beyde' oer' boose' in fromme,
Wa kin God ontkomme?
| |
[pagina 64]
| |
12.
Wa omtrint dy Rjuechters pleag',
Dy de wrad om-recket?
Wa blyn-doecket socken eag
Dat de Sinne mecket,
Dy de nacht ljuecht az de dey,
Dy nin on-rjuecht dilde mey,
Dy mey fjoer forsmorre
Sodome' in Gomorra.
13.
Mar, al kate' ick alle moarn,
't Wol dogge' oorz naet wezze;
't Iz in 't blieut oer al fordoarn:
God wol uwz genezze.
Meyts uwz, heagste, wirdste goed,
From fen hert, op-rjuecht fen moed,
Dat wy lanz jon paden,
Komme to genaden.
SAPE.
Hou! Reamer-frjune; God sterck jon freugd fen binne.
Sjong y? Goe moorn. Doz yer op 't paed? Wier hinne?
Kloeck oene gong?
REAMER.
Al seft, ick nim 't naet red.
SAPE.
Maet ick gong mey, al wier 't oer tuwzen mijlle.
OEf woene y t'Schijp, de See wol ick oer sijlle,
Ney de' oore'ig Wrâd, uwz eyn Lân bin ick sed.
't Hert wirt my kâd, in ijn mijn borst forklomme.
Mijn aegen wiet, ijn trienen môt ick swomme.
| |
[pagina 65]
| |
'k Besjiet. Ick stear. Mijn aenge siel dy blet,
Oermits ick sjog 't hert fen uwz Lân trog-snyen
Trog leaz forried, uwt-strijckjen, bijserye,
Nijd, Wrecksjochte' mey oor helsck in Dijvels bret.
REAMER.
De Wrâd iz Wrâd, in blieut Wrâd, wer y geane.
Tjogg' East in West, oef Suwd in Noord, y tjeane
Oer al by ljue fol on-geruychtigheyt.
O Sape! Broar! wier ane' y geane oef komme
Dear giet de Guwt, yn fromheyts kape' oer-momme,
Dear lij't in duwckt de' op-rjuechte sljuechtigheyt.
SAPE.
'k Sil, fier fen uwz, muwlck, better libbjen fijnne.
REAMER.
In mist it so bereysge' y duwbb'le pijnne.
SAPE.
De sill'ge Deugd iz klear fen uwz forteyn.
'k Sjogh mey de Gods-tjienst spot in toeyl bedrieuwen,
'k Sjogh hovird, Nooz-wijz, Wean-wit'er op klieuwen,
In schoerren, trog 't hier-kleauwen sonder eyn.
In loyts ick ford, it hert wirt my trog-dolge,
'k Sjog 't heylig' rjuecht, trog onrjuecht, sterck forfolge,
't Gewelt dat drieut 't onnosele' fore swiep',
'k Sjog wreetheyts fuwl in lilck hyer triomfeerjen,
Ik sjog mey wrijt in spijt de Free fexceerjen,
'k Sjog layts in goech wjueck-drayen az in Ljeap'.
Ho schoe in from, rjuecht-uwt, seft-sinnig minsche,
Dy naet az free, rjuecht, ljeafde in Goads-freez winsche,
Yn docken tijd in stuwn; ijn docken Lân;
By swerren, flockjen, beestig' bjealgerye,
Trog 't heele jier, Sneyns, Wirtse-deys him flye:
Dat mey naet wezze, ney mijn sljuecht forstân.
| |
[pagina 66]
| |
In oef ick bleau, het kin ick oorz ferwachtje
Az pleage' op pleage', uwz suwnen, ney ick achtje,
Meytse' uwz to fijne' yerd, Wetter, Luft in Fjoer:
't Swird blixemmet, de roeren hear ick tongerjen,
De wijlde Djier, wijd-gappjend' ney uwz hongerjen,
Lanst, ick fortjog, 'k blieu langer naet in uwre'.
REAMER.
Sape' y fortjea, ney 'k her, Gôd wol jo liede.
Mar hertse' in wird, swier holle', eer dat wy schiede,
Rin naet jon Lân, mar tjog de wrâd uwt. Hey!
Y dwane' az 't Hert, az 't schetten iz, sil 't rinne
Trog Bosck in Beamte' oer fjild in heyde hinne,
Dogge', al wier 't komt, it bringt sijn lyen mey.
Y gnorje doz, het wol y 't Lân bykibbje,
Gong uwt jo salm, wol y fornoegge libbje.
Salm binne wy uwz eyn fortriet in pleag'.
d'Oprjuechte deughd let yerzen, stiel nog fjoer-wirck;
Mar stiet allijck in Klippe', oef getten moer'-wirck,
Dat wijck 't nog schrickt foor storm nog swiere-fleag.
Yen from gemoed, al woe de wrâd om-kere,
Dat het, dat hâd't, yn God, 't jinge it bejere,
Moed, wille, treast, fornoeyen winsck in wâd.
Al bloeyde', aerne' in Lân yn free in resten,
It leyt oere' heap trog op-roer, schoering', lesten.
Eer y om-sjae, ney wijze fenne wräd.
Hier blieut nin ding, yn yen in 't selle wezzen.
Y fijnne' it klear yn 't heylig boeck to lezzen,
Ho Gôds eyndom (oor Folck oon-rier ick naet)
Den yn elck oor' fortijsd, trog moeyterye,
Den onder dizz', den oore slavernye
Om tommele' in om dreau, fordruwckt, forstaet.
| |
[pagina 67]
| |
SAPE.
Ick wol dearom, (foor dat yen Lân trog pleagen
Uwt schomme wirt) omtjean lanz oore waegen.
REAMER.
Y fluchtje' az Cain! oef, lere', az Jonas die!
Tinck; Joseph bleau, godfrugtig, yn Egipten,
In tjienne God: Lot, Abraam, oore' uwt-slipten
Ninter sijn Lân, az ney Gods hiet, in rie.
Het, het kint Län oef de' hele wrâd my derre,
Hâd ick my rjuecht from oon uwz ljeave HEERE:
Dy all' ding stjoert to sijn forkor'ne best.
It gong my jin ick wol it willig lye,
It rin mey my foor' wijn, ick wol my flye
Ney de' Hymmel wol, dear bin ick yn gerest.
Dear komt yen tijd dat all' uwz' moeyte' in pijne
Eyn nimt, in alle' uwz wer-moed sil fordwijne.
Den oermits 't ynne wrâd naerne' iz az 't heart,
Blieuwe' yn jon Lân, bidd' God dat hy 't wol spearje,
Dat hy uwz all' wol mey sijn Gaest rejearje,
In habb' nin Lân, mar de Hymmel in bejeart.
oeyt. |
|