Oeuvres complètes. Tome VIII. Correspondance 1676-1684
(1899)–Christiaan Huygens–
Auteursrecht onbekendNo 2283.
| |
[pagina 400]
| |
vous disposez à reuenir a Paris. Monseigneur Colbert à qui je l'ay montrée, m'a témoigné qu'il estoit bien aise que vous fussiez dans le dessein de reuenir; et sur ce que je luy ay dit que uous n'auiez point receu de response à la lettre que vous luy auez escritte il y a quelque temps, il m'a répondu que c'estoit la faute d'vn de ses Commis à qui il auoit ordonné de mettre deuant luy vostre lettre, et qui a manqué de le faire, l'ayant oublié, comme il y a beaucoup d'apparence. En effet, Monsieur, lors que Monseigneur Colbert eut receu vostre lettre, il me l'enuoia aussi tost pour luy en parler; et le jour mesme je l'entretins fort longtemps de vostre machine planetaire, qui m'auoit paru tres belle, et dont il temoigna estre fort satisfait sur le rapport que je luy en fis. Comme il retint vostre lettre et qu'il me dit qu'il y feroit réponse au plustost; je croiois que cela auoit esté fait et je n'y pensois plus. Mais depuis que j'ay appris que vous n'auiez point receu de reponse, j'ay fait chercher vostre lettre, et je l'ay mise sur la table de Monseigneur Colbert qui ne manquera pas de vous escrire au premier jour. Quant à la somme de 620 escus que vous le suppliez de payer pour l'ouurier qui a fait vostre machine planetaire; je ne fais, Monsieur, nulle difficulté qu'il ne vous l'accorde. Je luy en parleray encore, auant qu'il vous escriue. Je crois que vous scauez que le pauure Monsieur Picard est mort d'vne ulcere dans la vessie; il y a enuiron quinze jours. C'est vne perte considerable que l'Academie a faite, et qu'il sera difficile de reparer. Tout le reste des Academiciens est en bonne santé, dieu mercy, et l'on travaille fortement à perfectionner les sciences. On a enuoyé deux obseruateurs aux Canaries: vn autre obseruateur est party pour aller à St. Thomé sous la ligneGa naar voetnoot1). Monsieur de la Hire est allé à Thoulon, d'où il doit passer en Piémont, Monsieur Picard se disposoit à aller à Alexandrie, l'ors qu'il fut attaqué de la maladie dont il est mort: quelque autre Astronome y sera enuoié au premier jour pour prendre la longitude et latitude de ce lieu où Ptolemée a fait ses obseruations. Les Physiciens trauaillent de leur costé à tout ce qu'ils jugent vtile pour perfectionner l'Anatomie et la Chimie. Pour ce qui est de cette machine dont on vous a parlé, Monsieur, par laquelle on pretend assurer le mouuement des pendules sur mer; je ne scay ce que c'est, si ce n'est peut estre cette maniere d'horloge où l'on a joint le ressort spiral au pendule. Je n'ay point vû la replique de Monsieur l'Abbé Catelan, et je doute qu'elle ait esté imprimée. Nous attendons tous auec impatience vostre retour, et cependant je vous souhaitte vn heureux voiage. Je vous supplie d'estre bien persuadé qu'en toutes les occasions qui se presenteront de vous rendre seruice, je n'auray pas de | |
[pagina 401]
| |
plus grande joye que de vous faire connoistre que je suis effectiuement de tout mon coeur Monsieur Vostre treshumble et tresobeissant serviteur l'Abbé Galloys.
On ne sçauroit trouuer à Paris la Critique du nouueau TestamentGa naar voetnoot2), qui a esté depuis peu imprimé en Hollande; non plus que les oeuvres posthumes de SpinosaGa naar voetnoot3), et son liure intitulé theologico-politicusGa naar voetnoot4). Je vous serois bien obligé si vous vouliez bien prendre la peine de m'enuoier vn exemplaire de chacun de ces liures. |
|