Oeuvres complètes. Tome VI. Correspondance 1666-1669

N^o 1734.
Christiaan Huygens.
Appendice II au No. 1732.
Regulae de Motu Corporum ex mutuo impulsu.

1. Si Corpori quiescenti duro aliud aequale Corpus durum occurrat, post contactum hoc quidem quiescet, quiescenti vero acquiretur eadem quae fuit in Impellente celeritas.

[p. 432]

2. At si alterum illud Corpus aequale etiam moveatur, feraturque in eadem linea recta, post contactum permutatis invicem celeritatibus ferentur.

3. Corpus quamlibet magnum à corpore quamlibet exiguo et qualicunque celeritate impacto movetur.

4. Regula generalis determinandi motum, quem corpora dura per occursum suum directum acquirunt, haec est:

Sint Corpora A et B, quorum A moveatur celeritate AD, B vero ipsi occurrat, vel in eandem partem moveatur celeritate BD, vel denique quiescat, hoc est, cadat in hoc casu punctum in B¹⁾ Divisà lineà AB in C, (centro gravitatis Corporum



A, B) sumatur CE aequalis CD. Dico, EA habebit celeritatem corporis A post occursum; EB vero, corporis B, et utrumque in eam partem, quam demonstrat Ordo punctorum EA, EB. Quodsi E incidat in punctum A vel B, ad quietem redigentur corpora A vel B.

5. Quantitas motus duorum Corporum augeri minuive potest per eorum occursum; at semper ibi remanet eadem quantitas versus eandem partem, ablatâ inde quantitate motus contrarii.

6. Summa Productorum factorum à mole cujuslibet corporis duri, ducta in Quadratum suae Celeritatis, eadem semper est auté et post occursum eorum.

7. Corpus durum quiescens, accipiet plus motus ab alio corpore duro, se majori minorive, per alicujus tertii, quod mediae fuerit quantitatis, interpositionem, quam si percussum ab eo fuisset immediatè. Et si corpus illud interpositum, fuerit medium proportionale inter duo reliqua, fortius aget in quiescens¹⁾.

Considerat Author in his omnibus (ut ipse ait) Corpora ejusdem materiae, sive id vult, ut eorum moles aestimetur ex pondere.

1) Consultez, sur cette phrase, la Lettre N^o. 1738.

1) Consultez, sur cette phrase, la Lettre N^o. 1738.

[p. 433]

Caeterum subjungit, notasse se miram quandam Naturae legem, quam demonstrare se posse affirmat in corporibus Sphaericis, quaeque generalis ipsi videtur in reliquis omnibus sive duris sive mollibus, sive directe sive oblique sibi occurrentibus, videlicet Centrum commune Gravitatis duorum, trium, vel quotlibet Corporum, aequaliter semper promoveri versus eandem partem in linea recta, ante et post occursum.