Oeuvres complètes. Tome VI. Correspondance 1666-1669

[p. 154]

N^o 1605.
J. Gregory à Christiaan Huygens.
8 octobre 1667.

La lettre se trouve à Leiden, coll. Huygens.
Chr. Huygens y répondit par le No. 1617.

Patavii 28 Septembris 1667.

Illustrissime et nobilissime Domine mihi semper plurimum colende.

Sperabam te vidisse Parisiis¹⁾ et literas²⁾ ab illustrissimo equite Domino Roberto Murray tibi manu mea tradidisse, sed fortuna votis meis non arrisit, licet saepius aedes tuas frequentaverim ut te virum generis claritate et virtutis splendore celeberrimum noscerem et colerem, quo sane nihil mihi optabilius fuit; utcunque sit, quos nunquam vidimus, diligimus et colimus, me enim (qua omnes, fruuntur virtutis tuae et ingenii sublimitate) allicis et obstringis. cum literis Illustrissimi equitis, domesticis tuis tradidi opticam meam promotam³⁾, quam novi pro humanitate tua serenâ fronte accepisse: hac spe fretus mitto denuo alium ingenioli mei partum⁴⁾, quem obnixè peto, suscipias et purissimo, persectissimoque judicio tuo ponderes, mihique censuram tuam remittas, quam imprimis exspecto et vehementer a te peto; novi enim ego quam pulchrè et ingeniosè Gregorii a Sancto Vincentio magnum molle opus in hac eadem materia refutaveris⁵⁾, et quam acutè de hoc eodem argumento tu ipse scripseris⁶⁾; quamobrem spes una mihi refulgit per te posse me intelligere, quid in hoc opusculo boni probique sit, literas tuas placeat rescribere mihi Patavium in aedibus Domini Jacobi Cadenedi⁷⁾ philosophiae professoris ordinarii. Vale et tibi et sapientiae incremento diu felix vive.

Tui observantissimus cultor J. Gregorius.

Illustrissimo et Nobilissimo Domino Domino Cristiano Hugenio a Zulichem nobili Hollando Haguae comitum.

1) Consultez les Lettres N^os. 1106 et 1119.

2) Il s'agit de la Lettre N^o. 851, qui doit porter la date du 1^er avril 1663.

3) L'ouvrage décrit dans la Lettre N^o. 1106, note 6.

4) Vera Circuli et Hyperbolae Quadratura, in propria sua proportionis specie inventa & demonstrata a Jac. Gregorio Scoto. Pataviae. 1667. in-4^o.
L'auteur n'en avait fait imprimer qu'un nombre restreint d'exemplaires pour les distribuer à ses amis. Le livre fut réimprimé à Venise et ajouté comme appendice à l'ouvrage:
J. Gregorius, Geometriae Pars Universalis, inserviens quantitatum curvarum transmutationi et mensurae. Venetiae. 1668.

5) Consultez l'Exetasis de 1651.

6) L'auteur désigne l'ouvrage de Chr. Huygens ‘de Circuli Magnitudine inventa’.

7) Jacobus Cadenedus, écossais d'origine, mourut à Padoue le 30 juin 1679; il devint professeur de logique en 1661 et de philosophie en 1665, avec des honoraires de 300 florins, qui en 1677 montèrent à 700 florins.