Oeuvres complètes. Tome V. Correspondance 1664-1665

N^o 1388.
R.F. de Sluse à [Christiaan Huygens].
10 avril 1665.

La lettre se trouve à Leiden, coll. Huygens.
Elle est la réponse au No. 1373.
Elle a été publiée par C. le Paige dans le Bull. di Bibliogr. T. 17.

Nobilissime Domine

Habes hic obseruationes Leydenses¹⁾ quarum exemplar ad Serenissimum Principem Leopoldum, cum mentione nominis tuj, hodie misi, et pro quibus gratias maximas ago, licet vna tecum sentiam non esse ea ἀϰριβείᾳ factas qua sperari poterat. Multum etiam debere tibi me profiteor pro Auzotianae epistolae²⁾ apographo, vt et pro libello tuo³⁾: quae tamen examinare ne minimum quidem hactenus licuit, ita tot curis ab aliquot diebus distractus sum. Faciam cum redierit tranquillitas, et videbo quantum inflectj oporteat cometae semitam, vt illj de qua ad te scripseram⁴⁾, hypothesi conueniat. Quod vero de distantiâ mones, fateor sané hoc esse Copernicanj systematis priuilegium, cum in alio non nisi per parallaxes haberi possit.

Adijciamne me offerre operam meam si quid morbo tuo leniendo in hac patriâ reperiri queat? Sed vereor ne ridiculus videar cum a vobis soleamus pharmaca petere. Dolorem tamen lateris de quo scribis suspicor ex illorum numero esse, quibus acidulas Spadanas conducere aiunt Medicj: Quod si ita sit,

1) Nous n'avons pas trouvé ces observations. Consultez la Lettre N^o. 1373.

2) Voir la Lettre N^o. 1346.

3) Le ‘Onderwijs enz.’

4) Consultez la Lettre N^o. 1364.

[p. 325]

nec forte vacet ad fontem ipsum, ex quo purius bibuntur, accedere; vtere quaeso opera mea, ego enim hauriri curabo ea diligentia ac fide quam virtus tua meretur. Vale Vir Amicissime atque ama vt soles

Tuj obseruantissimum Renatum Franciscum Slusium.

Dabam ἀυτοσχεδιαςί Leodicj 10 Aprilis 1665.