Oeuvres complètes. Tome V. Correspondance 1664-1665

N^o 1364.
R.F. de Sluse à Christiaan Huygens.
27 mars 1665.

La lettre se trouve à Leiden, coll Huygens.
Elle a été publiée par C. le Paige dans le Bull. di Bibliogr. T. 17.
Elle est la réponse au No. 1333. Chr. Huygens y répondit par le No. 1373.

Nobilissime Domine

Jam dudum responsum debeo literis tuis 24^ae mensis proxime lapsi, quod spes adhuc aliqua superesset fore vt interea temporis aliquid a Clarissimis Viris Golio Kechelioque acciperes; sed ex silentio tuo nihil amplius expectari debere mihi persuadeo. Hanc enim illius esse caussam credere me iuuat, et non lateris dolorem, quo te nuper correptum maximo meo dolore intellexi.

Lubet itaque gratulari redditam, vt spero, tibi sanitatem; quod vt ita sit, et vt firma hunc in annum duret et plures Deum optimum maximum etiam atque etiam rogo.

De Cometae loco nihildum pronuncio donec accuratas obseruationes quales in hoc negotio requiri videntur, accepero. Cum Heuelio nullum mihi commercium: a Ricciolo vero nonnullas expectat hic aliquis ipsius amicus¹⁾ ex eadem

1) Antoine Bouvill (Taurill, Terill) naquit en 1623 dans le Dorsetshire et mourut à Liège le 11 octobre 1676. Il entra chez les Jésuites en 1647, fut pénitencier à Loretto, puis professeur de philosophie et de théologie à Parme, enfin professeur de théologie et de mathématiques dans un collège anglais à Liège. Il nous laissa quelques ouvrages, entre autres:
Problema mathematico-philosophicum tripartitum De Termino magnitudinis ac Virium in Animalibus. Parma apud Vignam. 1660. in-8^o.

[p. 289]

Societate²⁾, quarum si me participem fecerit ut pollicitus est, eas continuo ad te mittam. Ephemeridem Auzotianae similem³⁾ mihi finxeram iamdudum, imo eandem plane si motum Cometae 23, 24 et 25 X^bris excipias in quo plusculum differimus. Calculine errore an Hypotheseos differentiâ non inquiro. Mihi sane inter omnes de motu Cometarum opiniones semper arrisit illa motus recti et aequabilis, ad quam etiam aliquot Cometarum, quorum obseruationes habemus, motus examinaui non infelici successu. Sed in Tychonis vel potius Longomontani Hypothesi calculi nempe facilitate allectus (sum enim naturâ μισάριθμος) cum dato duorum dierum motu, reliqui sola additione vel subtractione, methodo quam vel iam obseruasti vel nullo negotio obseruaturus es, obtinerj possint. Vt ecce in Cometa anni 1590, posito diej 1ae et 2dae Martij motu 3^o. 17′, 2^o. 48′. qualis Tychonj apparuit, Ephemeridem construxi nullo fere a Tychonicâ discrimine nisj in diebus 25. 26. 27 februarij antecedentis in quibus differentia ad 6 vel 7 minuta ascendit. Verum Tycho dierum illorum motus, vt scis, non ex obseruatione, sed ex analogia ϰαὶ ἐν πλάτει determinauit. Res tamen omnino lubrica est et in qua adhuc solenni pyrrhoniorum formula ἐπέχω ϰαὶ διασϰέπτομαι.

Mirabilem Horologiorum tuorum sympathiam pariter tecum miratus sum, et mihi praesagit animus fore vt feliciter succedat quidquid ad inueniendas longitudines experimenti moliris. Linguae vestrae vernaculae vt me peritum esse iactare non audeo, ita non adeo ignarus sum quin libellum tuum vtcunque intelligere me posse confidam.

Gratias itaque debere me tibi profitebor maximas, si illius participem me esse volueris. Vale Vir Nobilissime meque constanti semper affectu crede

Tui Obseruantissimum Renatum Franciscum Slusium.

Dabam Leodicj 27 Martij 1665.

2) La Société des Jésuites.

3) De Sluse a envoyé cette éphéméride à S. Sorbière. Voir l'Appendice N^o. 1365.