Oeuvres complètes. Tome II. Correspondance 1657-1659

N^o 460.
Christiaan Huygens à [R.F. de Sluse].
15 février 1658.

La minute et la copie se trouvent à Leiden, coll. Huygens.
La lettre est la réponse aux Nos. 454 et 458. R.F. de Sluse y répondit par le No. 461.

Nobilissime Domine

Intensum per hosce dies frigus ad scribendum segniorem me reddidisse, scio haud miraberis, cum à te quoque non nisi breviculae jam proficiscantur. Quanquam fateor pro Saturnijs observationibus ad me tanta diligentia curatis nimis diu dilatam gratiarum actionem, cum tibi maximas debeam. Miror verò qui factum sit, ut autor ipse¹⁾, qui tam humaniter me compellat²⁾, operam non dederit ut citius paginae istae ad me perferrentur. Apparet virum illum ingenti rerum Coelestium amore teneri, dignumque propterea esse qui melioribus telescopijs instruatur. nam quod hypothesin amplexus est tam parum verisimilem non tam ipsi quam inopiae instrumentorum imputandum existimo. Deprehendisset enim alioqui plurimas earum phasium in Saturno nunquam existere, quas illi systema suum necessario indu-

1) G.B. Hodierna; voir les Lettres N^os. 454 et 360^a, note 1.

2) Nous n'avons pas trouvé cette lettre dans nos collections.

[p. 134]

cit. Nostrum sanè ab hoc δὶς διὰ πασῶν discrepare invenies, et brevi ut spero. Doces me posterioribus tuis³⁾ quâ viâ curvam illam quae tantum nobis negotij exhibuit penitus introspicere coeperis quae tamen satis invia videri queat, ac ejusmodi ut aliam prius tenueris, quam nolis me resciscere. Tum hoc quoque, quod απαγογὴν ex quadratura alterius curvae explicare declinas, vel majoris momenti subtilitatem subesse arguit, quam quae gratis tibi extorqueri possit, vel longioris operae esse demonstrationem. Verum age, quando tam parcè ac prouidè mecum agis, referam par pari, et tibi invicem involutam ἀπαγογὴν adferam, cujus intelligendae, haud minori, quam ego Tuae, desiderio tenearis. Parabolici conoidis superficiem ad circulum redigi posse antea tibi significavi. Nunc verò Circuli quadraturam datam esse scito, si sphaeroidis oblongi superficiei circulum aequalem invenire possimus. Quadraturam verò Hyperbolae si superficiei sphaeroidis lati seu compressi circulus aequalis habeatur, vel superficiei conoidis Hyperbolici. Et contra. Neque longis ambagibus opus fore, sed brevi tantummodo constructione. Dato autem sphaeroide lato, aio posse inveniri conoides hyperbolicum, vel hoc dato sphaeroides latum inveniri posse, et utriusque simul superficiei circulum aequalem exhiberi. quod quidem ultimum ad quadraturam non pertinet, quoniam absolutè et geometrica ratione perficitur.

Haec quin tibi placitura sint non dubito, et praesertim ubi constructiones videris. Quas quo praetio à me elicere possis jam nosti. Verum licitari tecum nolo; itaque vel gratuitas paulo post accipies ut scias me

Tui observantissimum Chr. Hugenium de Zulichem.

vr. 15 Febr. 1658.

3) Voir la Lettre N^o. 458.