Oeuvres complètes. Tome I. Correspondance 1638-1656

[p. 556]

N^o 3^e.
H. Bruno à Constantyn Huygens, père.
23 juin 1644.

La lettre se trouve à Leiden, coll. Huygens^a).

Perillustris Domine.

Quandoquidem Homerum, poëseos et deorum quotquot habet diva Ilias, unicum certissimumque parentem, deinceps lecturi sumus, de emendatissimâ editione per bibliopolia inquisivi. commendatur prae caeteris ea in folio Graeco-Latina quam Jacobus Spondanus¹⁾, excudente Sebastiano Henrico-Petri, Basileae procuravit²⁾. Duumviri nostri majorum gentium stupendos, faciunt in Mathesi progressus. maximè tamen minor et Christianissimus fratrum (ut est ingenio ad eam rem unicè factus) excellit, teste quidem Stampioenio, nam mihi, cum ἀγεωμετρήτατος mortalium sim, scholam istam per Samij senis legem intrare non licet, (ουδείς ἀγεωμέτρ ητος ἐισίτω, ajebat Pythagoras) tantum abest ut judicium vel possim vel ausim interponere. Saltem, quod possum, longè vestigia adoro. Stupere licet, at quando non licet sequi. Philippulo praecipuè ac Ludovico deinceps video deberi. Si quid in arte meâ possum promittere curae, quandoquidem Constantini jam atque Christiani, si non aetas, certè eruditio magisterium meum excessit. Exemplaria Poëmatum tuorum, operis divini, ad duodecimo, ita ut imperaveras, compacta mitto. Exspecto dum placeat de pretio ac distributione reliquorum ad me scribere. In mentem venit jam mihi, vel per Clarissimum Barlaeum vel quovis modo perfacilè curari posse ut litteris Amstelodamensium Mercurialibus sive cursorijs (in de Courranten) subjungatur, poëmata Zulichemi domini Latina apud Elzevirios Leidae atque Hagae edita esse. Ita statim forent in ore non Amstelodamensibus duntaxat (quos video prae caeteris hodie Batavis ingeniorum amatores) sed et omni populo et omnibus hebdomadalium mendaciorum Lectoribus. Vale perillustris domine.

Raptissime. Hagae ix Kal. quintil iƆcxliv.

Tuus omni obsequio servus Henricus Bruno.

Mijn Heere, Mijn Heere van Zuijlichem, Ridder, Raed en Secretaris van Sijn Hoogheyt, etc.

Met een pacquet boecken.

In 't Legher.

a) ℞. Assen.³⁾ 27 Junii 44 [Constantyn Huygens].

3) Assenéde, où le Prince avait établi son camp le 7 juillet.

1) Jean de Sponde (Johannes Spondanus), fils de l'Espagnol Inigo de Sponde, naquit en 1557 à Mauléon et mourut à Bordeaux le 18 mars 1595. De protestant il devint catholique: il a été lieutenant général de La Rochelle, puis maître des requêtes.

2) Homeri qvae exstant omnia, Ilias, Odyssea, Batrachomyomachia, Hymni, Poëmatia, aliquot cum Latina versione omnium quae circumferuntur emendatisq; aliquot locis iam castigatiore, perpetuis item iustisque in Iliada simul & Odysseam Jo. Spondani Mauleonensis Commentariis; Pindari quinetiam Thebani Epitome Iliados Latinis versib. & Daretis Phrygii de bello Troiano libri, à Corn. Nepote eleganter latino versi carmine. Editio vltima superiore limatior. Indices textus Homeri & Commentariorum locupletissimi. Cum gratia & priuilegio Caes. Maiest. Basileae, per Sebastianum Henricpetri. in-folio [cIƆIƆcvi].

3) Assenéde, où le Prince avait établi son camp le 7 juillet.