No 305.
? à J. Chapelain.
12 juin 1656.
Appendice au No. 304.
La copie se trouve à Leiden, coll. Huygens.
Extrait d'vne lettre de Caen sur l'jmprime de la descouuerte de la Lune de Saturne.
Je voudrois bien scauoir si les Obseruateurs ne luy ont point fait changer d'auis. Croyt il que Saturne ait en soy le principe de son mouuement et de sa lumiere; que son influence agisse sur la Terre et sur les Elemens; que ses deux anses soient de sa nature; que la droitte sen soit separée pour vn temps sous vne autre figure; que la gauche fust quelque chose de distinct qui s'insinuast aux yeux des Obseruateurs a trauers les lunettes pour leur faire descouurir sans fallace toutes les circonstances du Systeme de ce Planette. Je scay de bonne part qu'il s'en est tout a fait expliqué au Seigneur Fontana particulierement sur le sujet de la nouuelle lune scauoir si son mouuement est ou n'est pas perpetuel et quil ne luy disoit rien quil n'assurast estre conforme a ce qu'en tenoient Galilée et Heuelius lesquels il protestoit estre tresfermes et tres eclaires dans l'intelligence du Monde Saturnien ne reconnoissant aucun principe de mouuement que celuy qui estoit dans le Soleil lequel s'est manifeste et fait sentir en cent mille façons parmy les Elemens. Mais qu'apres tout cest tout autre chose que ce quen pensent et ce qu'en disent Messieurs les Obseruateurs.
Ce 12 Juin 1656.
Auteursrecht onbekend