Oeuvres complètes. Tome I. Correspondance 1638-1656

N^o 180.
D. Lipstorp à Fr. van Schooten.
18 janvier 1654.
Appendice au No. 179.

La copie se trouve à Leiden, coll. Huygens.
Chr. Huygens y répondit par le No. 182.

Ferendum tamen aequo animo, quod corrigere nequeas, Deumque supplicibus defatigare votis non est intermittendum, ut ulteriorem à Vobis calamitatem avertat. Quod cordicitus voveo! Interea non parum me solatur valetudo mellitissimi et incomparabilis nostri Hugenij, ejusque in elaborandis et perficiendis residuis suis tractatibus laudabilis conatus. Servet nobis diutissimè hunc florem benignissimus scientiarum conditor.

[p. 273]

Praesentem rerum mearum statum quod attinet, scias divinitus mihi contigisse, ut, quam nullo modo de eo cogitaverim, Vinariam ad Eruditissimum et Mathematum maximè gnarum Principem solenni fuerim vocatione evocatus, apud quem per 12 fere septimanas Mathematici Ducalis Aulici spartam, ut et juniorum Principum studia procuro. Tanta verò ejus erga me clementia est, ut quotidie cum ipso solus degam, sermones suavissimos misceam, cibum capiam: immò quoties mihi otium est, cum ipso curru proprio simul vectus exspatiatum eam. Vocatur ipse Guilielmus¹⁾ (Dux Saxoniae, Cliviae, Juliaci, et montium, Landgravius Thuringiae, Marchio Misniae. Comes Marcae et Ravensburgi, Dominus in Ravenstein) estque tum militari robore (quod sub auspicijs viventis adhuc bellicosissimi Regis Gustavi Adolphi²⁾, tanquam Generalis exercituum ductor exercuit) tum fortissimi Herois, Fratris sui Bernhardi Vinariensis,³⁾ famâ celebratissimus. Princeps est, testor Deum, omnium illorum, quos hactenus vidi, et humanissimus et iudiocissimus⁴⁾, simulque Mathematum cultor excellentissimus. Unum est quod inter alios permultos in aula suâ alat adhuc celebrem Mechanicum et Architectum, Mauritium Richter⁵⁾, qui ante decennium diu apud vos in Bataviâ substitit, qui tam superbum ipsi excitat aedificium, quale me nunquam adhuc tum apud vos, tum in Germania vidisse memini. Quod maximam partem nunc peractum est. Hic ipse Architectus noster creberrimè cum nostro Cartesio piae memoriae Hagae Comitis versatus est, illiusque summam ἀϰριβείαν ita coram Principe meo depinxit, ut exinde non parum in me amando et colendo fuerit excitatus. Jlle juxta mecum continuò ferè Principi adest. Quam rara hic visantur in Geodyticis, structura Militari, Architectura civili, tornatili arte, pyristica &c. verbo, in tota praxi instrumenta Mathematica, non nisi ocularis inspectio Te edocere potest. Summa summarum. Meliorem ego Principem, melioremque studijs meis promovendis locum invenire non potuissem.

Propediem cum meis 2 junioribus optimis ac diligentissimis Principibus⁶⁾ Jenam excurram, quae civitas Principi meo subjecta est; ubi per aliquot septimanas sub-

1) Wilhelm, Duc de Sachsen-Weimar, né le 11 avril 1598 et mort le 17 mai 1662, était, avant la mort de Gustav Adolf, lieutenant général de l'armée suédoise. Il épousa Eleonora Dorothea Princesse d'Anhalt, qui lui donna neuf enfants.

2) Gustav Adolf, Roi de Suède, naquit à Stockholm le 9 décembre 1594 et fut tué dans la bataille de Lutzen le 6 novembre 1632.

3) Bernhard, Duc de Sachsen-Weimar, frère de Wilhelm (voir la note 1) naquit le 16 août 1604, et mourut le 8 juillet 1639. Après la mort de Gustav Adolf, il partagea le commandement de l'armée suédoise avec Horn.

4) Lisez: iudiciosissimus.

5) Johann Moriz Richter, architecte en chef des Ducs de Sachsen, bâtit en 1664 la maison Griesbach et plus tard le Wilhelmschloss à Jéna.

6) C'étaient les princes:
a) Bernhard, né le 21 février 1638 et mort le 3 mai 1678, qui en 1662 épousa Marie de la Trémouille, fille de Henri Duc de Thouars.
b) Friedrich, né le 18 mars 1640 et mort le 18 août 1656.

[p. 274]

sistemus. Etenim meus senior è duobus istis iunioribus Principibus 16^um annum agens, elegantissimâ Oratione, ac pompa magnificentissimâ Rectoratum ejus Universitatis, sibi à Dominis Professoribus sponte oblatum, auspicabitur. Postea appropinquante ipsâ aestate, quâ 3^tius natu Princeps Johan Georgius⁷⁾ è Gallijs domum redux fiet (si Deus volet, et Principis constans fuerit voluntas, uti hactenus significavit) ad Vos Leydam cum ipsis pertransibo, ibi procul dubio aliquamdiu substiturus, et postea alias Regum et Principum aulas, brevi itinere, invisurus. Quâ foelicitate, si iterum potiar, faxo, ut vinculum nostrae amicitiae magis magisque crescat. Saluta meo nomine quam honorificentissimè Nobilissimum Dominum Hugenium, Dominum Heydanum⁸⁾, Dominum de Raeij⁹⁾, Dominum Berckelium &c. Inprimis autem Domino Hugenio, Domino de Raeij, et Domino Berckelio ob argumenti inopiam in scribendis literis me excuses diligentissimè peto, quos hisce literis de meo statu edocere poteris. Vale ac diutissime salue

à

tuo

Daniele Lipstorpio L.A.M. Celsissimi Principis Guilielmi Mathematico Saxonico-Vinariensi Aulico, ejusque junioribus Principibus a Studijs praeposito.

7) Johann Georg de Sachsen, né le 12 juillet 1634 et mort le 19 septembre 1686, épousa en 1661 Johannetta de Saijn, veuve du Comte Johannes de Hessen-Darmstadt.

8) Abraham Heidanus, petit-fils de Casparus Heidanus (1530-1586) adversaire acharné des Mennonites, naquit le 1^er août 1597 à Frankenthal et mourut le 15 octobre 1678 à Leiden. Après avoir beaucoup voyagé, il fut pasteur wallon à Naarden, puis à Leiden, où en 1648 il devint professeur de théologie; il était grand ami de des Cartes, et eut des disputes avec les curateurs de l'université, qui le démirent de son professorat le 4 mai 1676.

9) Johannes de Raei étudia à Utrecht, puis passa à Leiden, où en 1652 il devint professeur de philosophie. En 1668 il partit pour Amsterdam, où il occupa la même chaire, et mourut le 30 novembre 1702. C'était un des plus fervents adhérents de des Cartes.