Oeuvres complètes. Tome I. Correspondance 1638-1656

N^o 105.
Gregorius a St. Vincentio à Christiaan Huygens.
21 novembre 1651.

La lettre se trouve à Leiden, coll. Huygens.
Elle est la réponse au No. 102. Chr. Huygens y répondit par le No. 106.

Gregorius a S. Vincentio Clarissimo Domino Christiano Hugenio.

Haesi tuas videns, ijsque perlectis, de Responso tantisper differendo subijt cogitatio, donec, quod polliceris, recepissem. nolui tamen in aere alieno diutius morarj; praesertim, circa jd quod optas de Patre della faille; quem, a quo tempore a me discessit, anno 20 huius saeculj, videre non licuit. Dolae primùm, Mathematicas disciplinas docuit: exinde in Belgium redux, me non reperit, Romae iam commorantem, postmodum in Bohemia, vel Austria. Procabar eius consortij solatium, dum Pragae viuerem; sed mihi non licuit esse tam beato. Madritum enim (quo destinatus fueram) prius ablegatus erat, vbi post longam quietem, obambulare coactus est; et comes esse, peregrinationis Serenissimi Principis Joannis¹⁾, cuj in delicijs est. quem in Mathesi, alijsque scientijs continuo exercet; in cuius aula superstes viuit. Quodsi librum tuum ei mittere destinas, memineris rogo, eidem stimulum addere, vt reliqua, quae pridem adfecta habet, in publicum proferat. nisi enim violentia quadam amica vsus fuissem, adhuc cum reliquis suppressus lateret, qui prodijt libellus. forte exemplo meo, a praeli molestijs est alienus. praeclarae prorsus sunt, eius de Geometricis speculationes; vtinam jllae lucem viderent: ijsque frui liceret, qui-

1) Don Juan d' Autriche. Voir la Lettre N^o. 46.

[p. 159]

bus hoc studium est cordj. Propugnauit varias me praeside theses²⁾, inter quas fuere, si recte memini, de jnnatantibus humido; ante triginta minimùm annos: quarum exemplar transmitterem, nisi Pragae mea perijssent. Patre Guldinus ab anno circiter, inter viuos esse desijt; vti et Scheinerus³⁾. Kircheri Hierogliphica, necdum vidi. Adest mihi Pater Sarasa, et saluere te jubet, librumque tuum videre peroptat, et licet otio careat, sperat aliquid tamen e negotijs, quibus premitur, se exclusurum, vt curiositate sua pascatur, eique pabulum praestet. Inuitationi tuae paene succubuissem, tentandi, quae prioribus tuis me titillarunt; circa theoremata, vel problemata tua: nisi timor me subduxisset, diuturnioris morae. sufficit itaque mihi, credere ea tibi difficilioris solutionis exstitisse; vt me a labore suscipiendo abducam. praestolabor itaque donum tuum, neque permittam jllud apud me otiosum haerere, priusquam ab ouo vsque ad mala jllud degustauero.

Gandauj 21 Nou. 1651.

Clarissimo Domino D. Christiano Hugenio

Hagae Comitis.

2) J.Ch. de la Faille, Theses mechanicae. Dolae. 1625. in-4^o.

3) Christoph Scheiner, né en 1575 à Walda (Souabe), mourut le 18 juillet 1650 à Neisse. Il était Jésuite, professeur d'hébreu et de mathématiques à Freiburg en Breisgau, puis à Ingolstadt (1610-1616), plus tard à Rome, enfin recteur du Collège des Jésuites à Neisse. Il est surtout connu par ses écrits sur les taches du soleil et les satellites de Jupiter, par la description d'un halo solaire observé à Rome le 20 mars 1629 et par l'expérience optique qui porte encore aujourd'hui son nom.