Latijnse gedichten 1607-1620

107 30 01 1616→ Ged., dl. 1 p. 82
In casum delapsi cubiculi reginae matris, ipsa incolumi, cum omnibus qui participes istius ruinae fuerunt, cum esset Turonii, 3. kal. febr. 1616
[...]
Aliudaant.

Fracta quod horribilis laquearia pandit hiatus

et rapit incautos vasta vorago viros;

sola quod his tantis superas, augusta, periclis

sustentatque tuos area firma pedes -

si licet augurii mentem indagare: quid istac

fata, quid hac caelum, quaero, quid astra velint?

Scilicet ingentes regni inconcussa ruinas

despicies, patriis altior una malis.

At populo passim pereunte quid una superstes

proderis? Ut populi sis rediviva salus.