Latijnse gedichten 1607-1620

[p. 152]

103 30 08 1614→ Ged., dl. 1 p. 60aant.

Terror Hiberorum, patriae defensor et unis

devotum pugnis militiaeque caput,

proelia tot quondam, propriis ascripta tropaeis,

hostili aspergens sanguine, nulla meo,

nunc quoque - quod stupeas, senior, iuvenis, puer, infans -

illaeso, infracto corpore, qualis eram,

Carolus, in modico rectae mihi caespite terrae

conditus, hac ipsa protegor, hospes, humo.

Estne aliquid claro poni mea membra sepulchro?

Maius erit, nullis saucia vulneribus.

1614.