Latijnse gedichten 1607-1620

97 ←04 09 1613 Ged., dl. 1 p. 53aant.

Post varios casus, gentis clarissima vestrae

lumina, iam patriam visere coepit amor.

At nisi traiectis undis pelagoque remenso

non alius dictam nunc petiisse modus.

Ille quidem facilis, nostras si navita merces

aequi pro naulo carmina consuleret.

Sed quos carminibus doctus non flexit Arion,

quae spes est nostra flectere posse lyra?

Hinc est quod vestrum curvato poplite limen

veni, nam naulum turba molesta petet.

Aequa foret tenuis menti si sortis egestas,

si qua fides vobis, aurea dona darem.

Hoc quando invidit pridem inclementia caeli,

quod superest saltem, vota precesque dabo.

Vester obsequentissimus servus, Johannes Couperus, Anglus.

Pro lepido insulsum, magno pro carmine parvum

non facit ad gustum, Coupere, credo, tuum.

Sed magis hoc: ‘Cape tres uno pro carmine nummos.’

Numquid acu videor rem tetigisse tibi?

Hoc scio, quod ternis malles tria carmina nummis

vendere, quam tria sex carmina carminibus!

Annorum 16.