Latijnse gedichten 1607-1620

71 ±30 11 1610 Ged., dl. 1 p. 25
Ornatissimo doctissimoque iuveni Ioanni Brouardo pro gradu doctoratus in medicina consequendo disputantiaant.

Non cuivis homini sanctos adiisse recessus

delubraque alta Delii vatis datum est,

pauci quos tanto meritos dignatus honore est

et quis reclusit sacra Apollo limina.

Contigit hoc, Brouarde, tibi; te Delius artes

docens suas arcana pandit ostia.

I, bone, quo virtus tua te vocat, i pede fausto;

quippe hodie votis tuis lux candida

venit et ipse deus magna comitante caterva

novem sororum en obviam venit tibi.

I, bone, quo chorus iste viam tibi monstrat eunti,

magnumque nomen patriae addito tuae.

l.m.q.p.

1610, annor. 14.