Latijnse gedichten 1607-1620

47 04 09 1608→ Ged., dl. 1 p. 11
Ex Graeco Bionis, de Cupidineaant.

Auceps forte puer dum venaretur avesque
per densas silvas insectaretur, Amorem
cernebat volucrem in buxo frondente sedentem.
Ille putans magnam se conspexisse volucrem,
protendit pharetram calamosque recolligit omnes
et varias technas fugitivo tendit Amori.
Sed tandem maerens cum cerneret esse laborem
nequiquam factum, calamos abiecit et arcum.
Conspiciensque senem scindentem vomere terram,
narrat ei factum, volitantem ostendit Amorem.
Ille caput quass\a\t ridens et talibus infit:
‘Ne, puer, huic praedae noceas, nam noxia praeda est,
tuque beatus eris si non acceperis illam.
Verum ubi iam firmata virum te fecerit aetas,
qui nunc te fugitans nunc huc nunc transilit illuc,
sponte sua veniens in te dominabitur ipse.’

Annor. xii, 1608.