Hofwijck. Deel 1. Tekst. Deel 2. Apparaat

[1.4]
Incomparabili, ac supra laudem Zulichemi D.^no Aulifugium suum publici juris facienti.aant.

(comm.)

Pabula cordatae semper gratissima menti,

Hinc Natura parens sufficit; inde Deus.

Illa per amfractusque suos, formasque, modosque

Emicat; Hic cunctis, undique cunctus, inest.

Naturamque Deumque sequi contermina coelo

Vita studet, Superis proxima, sacra sibi.

Haec Tu, Summe Virûm, Tibi lumine pectoris hausta

Asseris, in Genii praemia justa tui:

Naturae scrutatus opes, divina recludens,

Naturae dicam Filius, anne Dei?

Otia sedulitas superat: sed et haec quoque credi

Dulcia vis, vastis obrutus officiis.

Te stupeat Natura Suum: Deus annuat Unum,

Quem Sibi, quem cunctis jusserit esse sacrum.

Theod. Graswinckel