Den handel der amoureusheyt

(20ste eeuw)–Johan Baptista Houwaert– rechtenstatus



[Folio O7r]
De naer-prologhe. GOdts Vrienden hier hebt ghy moghen mercken De wrake van Echo der schoonder Ionckvrouwe, Hoe dat Narcissus kreech loon naer wercken, Dies al 'tLant door bedreven wert grooten rouwe: Want doen syn edele Heeren ghetrouwe Hem vonden inde Fonteyne verdroncken, Zoo beklaechden sy hem in menighe vouwe, En de tranen zijn door der liefden voncken Van hun wanghen ghezoncken. Dees plasse en 'twater, dat doen onreyn,, was, wert Fonteyne d' Amours gheheeten by namen: Dus bid ick v ghy Mans in't ghemeyn,, ras, En wilt gheen jonghe Dochters beschamen, Maer vertroost de bedroefde 'thaerder vramen, En als sy v bidden om assistentie, Gheeftse ten minsten schoon woorden naer 'tbetamen, En neemt in't goede haer benevolentie, Zonder reprehentie. En ghy Vrouwen en Dochters hout v eer in weerde, En zijt zoo dwaes niet noch zoo verblint, Ghy en peyst dat 'thoy niet en mach gaen ten Peerde, En datmen vileynen met bidden niet en verwint: Bepeyst v altijt wel eer ghy beghint, In een weynich verzinnens leyt wel groote bate, Ziet toe dat ghy als Echo niet dwaeslijck en mint, Dat bid ick v jonstelijck uyt caritate, Maer Houdt middelmate.