Der stadt Leyden Dienst-bouc

[Tot voltreckinge van welcke quijtscheldinge]

Tot voltreckinge van welcke quijtscheldinge, aengaende tBorchgraefschap, ende ten eynde tzelve niet wederomme en zoude gheraecken in handen van eenighen particulieren Heer, maer altijts aen het Graefschap mocht blijven vereenicht, aen twelc dezer Stede (om niet weder mitten Burchgraven, die haer gesach alomme tot naerdeel vande Stede sochten te vermeerderen, te gheraecken in oneenicheyden) niet weynich gheleghen was den Regierders inder tijt wacker wezende, ende niet verzuymich omme theete yzer in tijts te smeden, verzocht, ende verworven hebben de twee hier navolgende Privilegien.

Johan by der genaden Goids, Palengraue opten Rijn, Hertoge in Beyeren, Soon van Henegouwen, van Hollant, van Zeelant, &c. Doen] kont allen luyden, vvant Heer Philips van Wassenaer ons die Burchgreefscap van Leyden mitten Gerechte ende heerlicheden] gelijc als die zoene tusschen ons, den seluen Heren Philips, ende andere die by hem vvaren, ende der stede van Leyden lest]. gemaict vvas, inhoudt ende vvtvvijst, mit hande ende mit monde ouergegeuen heefft, So hebben vvy geloefft, ende gelouen] mit desen brieue, Onser goeder getruvver Stede van Leyden voir ons ende onse eruen ende nacomelingen, dat die Burchgreefscip] mit hoiren toebehoeren voirs. tot evvigen dagen blijuen sall aen ons ende aen onsen eruen ende nacomelingen, ende nemmermeer] noch tot genen

[p. 56]

dagen, mit geenrehande saken dair aff versceyden en sal vverden in geenrevvijs. Alle dinc sonder argelist.] In orkonde desen brieue besegelt mit onsen zegele. Gegeuen in onser Stede vanden Brielle opten vijfthiensten dach in Februario, int jair ons Heren M. C C C C. ende tvvyntich, na den lope van onsen Houe.

Tvoorschreven Privilegie was geschreven in een stuc franchijns, lang acht duymen, vier greynen: hooch vier duymen, eene greyn: behalven een ploye van eene duym, zes greynen: ende bezegelt aen een doublen franchijnen staert, breet vijf greynen: mit een root wassen zeghel, groot in zijn dwerslinie, eene duym, zes greynen: daer inne af gedruct stonden twee Griffoenen, tzamen houdende een gesloten van zijds aensienden helm: onder den welcken hanghende was een dwerssen schilt, aende slinckerzijde (als wezende de rechte zijde gheheel wech) verwapent boven mit de vier climmende Leeuwen: te weten, de wapenen van Henegouwen, beneden mitte wapenen van Beyeren: hebbende tot eenen tymber een croone, daer boven uytsteeckende een vederbos van paus-vederen: ende in den ommeloop de volghende noch leesbare letteren,

S. Joh. Cōit. Palati. Reni, Duc in Bavar. wezende de reste wech.

Ende opten rugghe een contre-zeghel, groot in zijn dwerslinie omtrent zeven greynen, ende twee derdepaerten: daer inne af gedruct stont een dwers schildeken, bezet mit eenen climmenden Leeu, hanghende aen een helm, ghetymbert als voren, ende staende tusschen twee personagien, daer van den ommeloop my niet leesbaer en was.